Dabali News

वहिर्गमनसम्बन्धी वार्ताको जिम्मेवारी पाएका बेलायती मन्त्रीको राजीनामा

२५ असार

काठमाडौं । युरोपेली संघबाट बेलायतको वहिर्गमनसम्बन्धी वार्ताको जिम्मेवारी पाएका मन्त्री डेभिड डेभिसले पदबाट राजीनामा दिएका छन् ।

प्रधानमन्त्री टेरिजा मेको मन्त्रिपरिषदले युरोपेली संघसँगको भावी व्यापार सम्बन्धबारेको नयाँ प्रस्तावमा सहमति जनाएको दुई दिनपछि मन्त्री डेभिसले राजीनामा दिएका छन् ।

आफूले चाहेको भन्दा फरक ढंगले प्रधानमन्त्रीले युरोपेली युनियनसँगको भावी सम्बन्धबारे मन्त्रिपरिषदमा सहमति जुटाएपछि उनले पदबाट राजीनामा दिएको बताए ।

उनको राजीनामालाई प्रधानमन्त्री मेका लागि एउटा ठूलो धक्काको रुपमा लिइएको छ । मन्त्री डेभिसले ब्रेक्जिट वार्ताहरूमा प्रधानमन्त्री मेको अडानलाई लिएर धेरै पटक राजीनामा दिने चेतावनी दिएका थिए ।
युरोपेली युनियनसँग वार्ता गर्ने जिम्मेवारीसहित सन् २०१६ मा उनी मन्त्री नियुक्त भएका थिए ।

युरोपेली संघबाट बेलायत अलग हुनुपर्ने पक्षधर मानिने कन्जरभेटिभ पार्टीका सांसद पिटर बोनले डेभिसको राजीनामालाई एउटा सम्मानजनक र साहसिक निर्णय भन्दै प्रशंसा गरेका छन् ।

उनले डेभिसले सही काम गरेको टिप्पणी गर्दै बहिर्गमनबारे प्रधानमन्त्रीको नाम मात्रको प्रस्ताव स्वीकार्य नहुने बताए । लेबर पार्टीका प्रमुख इयान लेभरीले भने अहिले भद्रगोलको अवस्था आएको र प्रधानमन्त्री मेसँग अब कुनै सामथ्र्य बाँकी नरहेको एजेन्सीमा भनिएको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]