Dabali News

‘उज्यालोको खोजी’ र ‘प्रयास’ विमोचन

२३ असार

उज्यालाकोे खोजी र प्रयासको विमोचन २३ असार काठमाडौं । कवि, गजलकार आस्था केसीको गजल कृति ‘उज्यालोको खोजी’ तथा प्रदीप थापाको ‘रुवाई’ गीत गजल कृति ‘प्रयास’ र एल्बम ‘प्रयास’को सार्वजनिकरण गरिएको छ ।

अन्तर्राष्ट्रिय गजल मञ्च नेपालको आयोजनामा भएको सो कार्यक्रममा प्रमुख अतिथि गजलकार ललिजन रावलले गजल तथा साहित्यले समाजल परिर्वतनमा अहम् भूमिका खेल्ने बताए । गजलकार रावलले साहित्यका अन्य बिधा जस्तै गजलको रचना र संरचना प्रक्रियालाई समय क्रमसँगै श्रष्टाहरुले आफू अनुकुल व्याख्या गर्ने गरेको र रचना गर्न थालेको धारणा राखे । प्रमुख अतिथिको आसनवाट वोल्दै बरिष्ठ गजलकार रावलले नेपाली शब्द हुँदाहुँदै आयातित शब्द प्रयोग नगर्न सबै गजलकारलाइ आग्रह गरे । आयातित शब्द प्रयोग गर्दा नेपाली भाषा र साहात्यिमाथि अन्याय हुने हुनाले त्यस्ता शब्द प्रयोग नगर्दा नै राम्रो हुने सुझाव दिँदै उनले साहित्यकारले समाजमा भएका तमाम विकृति र व्यतिथिविरुद्ध लेख्नु पर्ने बताए ।

रुवाइ, गीत र गजल संग्रहका लेखक प्रदिप थापाले लेखन विधामा एकदम कलिलो भएपनि लेखनमा निरन्तर लागिरहने बताए । लेखक थापाले रचनामा माया प्रेम सम्बन्धि बढी लेखिने भएकाले आफूले पनि यस्तै विषयलाई बढी जोड दिउको बताए ।

‘उज्यालोको खोजी’ संग्रहकी लेखक आस्था केसीले आफू १५-१६ वर्षको किशोरी अवस्थामा जनयुद्धमा लागेको र त्यहि समयबाट नै गीत, कविता र गजल पढ्न र लेख्न थालेको बताइन् । उनले आफूले गजल विधाको औपचारीक रुपले अध्ययन नगरेपनि हिजोका आँधी, हुरीमय जनयुद्धकालीन मुक्ति यात्रामा गजल लेख्न सिकेको बताइन् ।

जनयुद्धको मुक्ति यात्रामा देखेका सपना आँशिक रुपमा मात्र पूरा भएको वताउँदै उनले राजनैतिक रुपमा प्राप्त परिवर्तनलाई व्यावहारमा लागु गर्न नसक्नु बिडम्बना भएको धारणा व्यक्त गरिन् । जनयुद्धले दिएको सबैभन्दा ठूलो चेतना बर्गिय मुक्ति चेतना रहेको भन्दै सञ्चारकर्मी समेत रहेकी केसीले हिजो आफूहरु वर्ग मुक्तिको यात्रामा लागेको र आज पनि साहित्य र पत्रकारिताको माध्यमबाट निमुखाको प्रतिनिधीको रुपमा लागिरहने बताइन् ।

पुस्तक तथा एल्बममाथि गजलकार तथा समालोचक प्रभाती किरण, ज्ञानु विद्रोही, शैलेन्द्र अधिकारी, डा. भोजराज अधिकारी, बिश्लेषक नरेन्द्रजंग पीटर लगायतले बोलेका थिए । अन्तराष्ट्रिय गजल मञ्च नेपाल च्याप्टर सम्योजक भरत पौडेलको अध्यक्षतामा भएको कार्यक्रमको संयोजन अन्तराष्ट्रिय गजल मञ्च नेपालका अध्यक्ष घनेन्द्र ओझाले गरेका थिए । पुस्तक कन्दरा पब्लिकेशन्सले प्रकाशन गरेको हो ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]