Dabali News

हरी पराजुली र चक्रपाणी खनालबीच फरक 

१५ असार

काठमाडौँ । आज दिनभर धान दिवस मनाइरहेका विभिन्न दृश्यहरु सामाजिक संजाल र संचारमाध्यहरुमा देखिए । सरकारले औपचारिक रुपमा विभिन्न कार्यक्रमको आयोजना गरे । आज गृहमन्त्री रामबहादुर थापा, कृषिमन्त्री चक्रपाणी खनाल रोपाईमा सहभागी भए । त्यसैगरी नेपाली काँग्रेसका सभापति शेरबहादुर देउवालेखि विभिन्न राजनीतिक पार्टीका नेता–कार्यकर्ता खेतबारीमा गएको देखिए । उनीहरु चिल्ला–चिप्ला भएर हेलामा पसे र फोटो खिचाएर फर्किए ।

यस्तो लाग्थ्यो, फोटो खिचाउनकै लागि मन्त्री, नेताहरु रोपाईबारीमा पसेका थिए । कतिपयले त रोप्नेरीलाई हिलो मान्नमा व्यस्त देखिन्थे । किसानको चिन्ता भन्दापनि रमाइलो गर्नको लागि मन्त्री र नेताहरु खेतबारीमा पसेको देखिन्छ ।

यो पटक यस्तो पनि देखियो, केही युवा–युवतीहरुले उत्ताउलो पन देखाए । जुन नेपाली समाजमा पाच्य हुँदैन । त्यस्तै विदेशीहरु पनि खेतबारीमा देखिए । उनीहरु अर्धनग्न अवस्थामा देखिए ।

चार वर्षअघि धान दिवसमा कृषिमन्त्री हरि पराजुलीले ताण्डप नृत्य देखाएका थिए । उनले खेतबारीमा पसेर वृद्ध महिलालाई अश्लील व्यवहार गरेका थिए । उनको त्यही कार्यले मन्त्री पद नै खुस्केको थियो ।

त्यसपछि अर्का कृषिमन्त्री हरिबोल गजुरेलले सुट–बुटमा सजिएर गमलामा धान रोपेर जग हँसाएका थिए ।

यो पटक कृषिमन्त्री चक्रपाणी खनाल त्यसमा सतर्क देखिएका थिए । उनले खेतबारीमा पसेर रोप्नेरीको हातबाट टिका थापे ।

धन दिवस संस्कृतिले किसानलाई कुनै फरक पारेको छैन । सरकारले यसको लागि लखौ रकम खर्च गर्नुको साटो कृषिलाई अाधुनिकरण गर्न ध्यान दिनु पर्छ । बास्तविक कृषकलाई बिउदेखि कुलोसम्मको व्यवस्था गर्दा उपयुक्त हुने देखिएको छ । रमलाइको लागि धान दिवस मनाउने चलन किसानको बास्तविक जीवनभन्दा धेरै टाढा छ ।

मन्त्रीहरु खेतबारीमा गएर फोटो खिच्न हिलोमा पाइला टेक्नुको कुनै अर्थ छैन । हरी पराजुली र चक्रपाणी खेतबारीमा फरक शैलीमा देखिए पनि दुबैको कामले बास्तविक किसानको जीवनमा कुनै फरक नल्याउने भनिरहनु पर्दैन । सामाजिक संजालमा धानको दिवसको नाममा खेतबारीमा देखिएको दृश्यको विरोध भइरहेको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]