Dabali News

सलमान दोस्रो पटक पनि नेपाल आउन सकेनन्, आयोजकको लगानी डुब्‍ने पक्का

१२ जेठ

काठमाडौं । भारतीय कलाकार सलमान खान दोस्रो पटक पनि नेपाल आउन सकेनन् । बलिउड सुपरस्टार समेत रहेका खानले दोस्रो पटक नेपाल आउने प्रयास गरेका थिए ।

नेपाल कम्युनिस्ट पार्टी निकट जनसाँस्कृतिक महासंघको विरोधपछि खानको ‘दबङ टुर’ स्थगति भएको थियो । जेलबाट रिहा भएपछि खानले फेरि नेपाल आउने बताएका थिए ।

खानको कार्यक्रमले नेपालको राष्ट्रियता विरोध भन्दै चौतर्फी विरोध भएपछि दोस्रो पटक आजै (जेठ १२ गते शनिबार) कार्यक्रम पनि स्थगित भएको छ । आजको लागि तोकिएको कार्यक्रम स्थगित भएको आयोजक संस्था ओडिसी नेपालले आफनो फेजबुक पेजमार्फत स्थगित भएको जनाएको छ ।

महासंघका महासचिव खेम थपलियाले दोस्रो पटक कार्यक्रम गरे प्रतिरोध गर्ने चेतावनी दिइसकेका थिए । उनले नेपाली कलाकारहरुको अपमान हुनेगरी काठमाडौंको टुडिखेलमा भारतीय कलाकारहरुलाई रक्सीको विज्ञापनमा नचाइनु गलत भएको बताउँदै आएका छन् । नेपाली कलाकारहरुलाई अपमान भएको आफूहरुले हेरेर बस्न नसक्ने थपलियाले बताएका छन् ।

आयोजक संस्था ओडिसीले खानको कार्यक्रममा लागि भनेर एउटा टिकटको मुल्य २० हजार सम्म वितरण समेत गरेको थियो । सर्वसाधारणबाट उठाएको लाखौं रकम फिर्ता गर्न आयोजकलाई चौतर्फी दबाब बढेको छ ।

सलमान दोस्रो पटक पनि नआएपछि आयोजकको करोडभन्दा बढी लगानी डुब्ने पक्का भएको छ । सलमानसँगै भारतका अरु कलाकारहरु पनि अाउने कार्यक्रम थियो ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]