Dabali News

सन्दीप आईसीसी विश्व ११ टोलीमा छानिए 

२ जेष्ठ

काठमाडौं । सन्दीप लामिछाने विश्व ११ टोलीबाट लर्डसमा खेल्न छानिएका छन् ।

आईसीसी विश्व ११ र वेस्ट इन्डिजकाबीच विशेष सहयोग खेल मे ३१ मा ऐतिहासिक इंग्ल्यान्डको लर्डस क्रिकेट मैदानमा हुने भएको छ ।

त्यसैका लागि सन्दीप पनि विश्व ११ को टोलीमा परेको विश्व क्रिकेटको सर्वोच्च संस्था आईसीसीले जनाएको छ ।

गत वर्ष आएको हुरिकन इर्मा र मारिआ आँधिबेरीका कारण डोमिनिकाको विन्डसोर पार्क रंगशाला र अंगुइलाको जेम्स रोनाल्ड वेबस्टर पार्क रंगशाला भत्काएका कारण त्यसको पुनर्निमाणका लागि विश्व ११ र वेस्ट इन्डिजका बीच च्यारिटी खेल आयोजना हुन लागेको हो ।

पहिलो पटक नेपाली खेलाडी विश्व ११ को टोलीमा परेका हुन् । सन्दीप अहिले इन्डियन प्रिमियर लिग (आईपीएल) क्रिकेटमा दिल्ली डेयरडेभिल्सको टोलीमा छन् । उनले सन् २०१६ को जुलाईमा नेपाली राष्ट्रिय टोलीबाट लर्डसमा खेल्दै मेरिलेबोन क्रिकेट क्लब (एमसीसी) विरुद्ध १ विकेट लिएका थिए ।

इंग्ल्यान्डका कप्तान इयन मोर्गनको कप्तानीमा रहने विश्व ११ मा सन्दीपसँगैं पाकिस्तानी अलराउन्डरद्वय शहिद अफ्रिदी र शोएव मलिक तथा श्रीलंकाका थिसारा पेरेरा रहने छन् । विश्व ११ का अन्य खेलाडीमा तामिम इकबाल, दिनेश कार्तिक, रशिद खान, मिचले म्याकलेनाघन, हार्दिक पाण्ड्या, लुक रोन्ची रहेका छन् ।

बंगलादेशका अलराउण्डर शकिबअल हसनले चोटका कारण आफ्नो नाम फिर्ता लिएका थिए । विश्व ११ को प्रशिक्षक एवं व्यवस्थापकमा एन्डी फ्लावर रहेका छन् । कार्लोस ब्राथवेटको कप्तानीमा रहने वेस्ट इन्डिजको टोलीमा क्रिस गेयल, सामुइल बद्री, एन्ड्रयु फ्लेचर, रायद इम्रित, इभिन लुइस, एस्ली नर्स, किमो पाउल, दिनेश रामदिन, रोभमान पोवेल, एन्ड्रयु रसेल, मार्लोन सामुइल्स, केसरिक विलियम्स लगायत खेलाडीहरु रहेका छन् ।

नेपालले यस वर्षको जुलाई लर्डसमा गएर एमसीसी र नेदरल्यान्ड्सविरुद्ध ट्वान्टी-ट्वान्टी त्रिकोणात्मक शृंखला खेल्दै छ । सन्दीपले यसै साता इन्डियन प्रिमियर लिगमा दिल्ली डेयरडेभिल्सबाट रोयल्स च्यालेन्जर बेङ्लोरविरुद्व डेब्यु गरेका थिए ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]