Dabali News

जलविद्युत आयोजनाको सेयर आवेदन खुल्ला

२६ चैत

काठमाडौं । सरकारले सान्जेन माथिल्लो जलविद्युत आयोजना र सान्जेन जलविद्युत आयोजनाको सेयरका लागि आवेदन खुला गरेको छ ।

उर्जा, जलस्रोत तथा सिँचाई मन्त्रालयले आज (मंगलबार) पत्रकार सम्मेलन गरी आवेदन खुलाएको हो ।

रसुवास्थित १४.८ मेघावाट क्षमताको सान्जेन माथिल्लो जलविद्युत आयोजना र ४२.५ मेघावाटको सान्जेन जलविद्युत आयोजनामा सर्वसाधारणका लागि सेयर आदेवन खुला गरिएको हो ।

‘जनताको जलविद्युत कार्यक्रम’ अन्तर्गत २ आयोजना थप गरी सर्वसाधारणका लागि सेयर भर्न आवेदन खुला गरिएको उर्जा, जलस्रोत तथा सिँचाईमन्त्री वर्षमान पुनले जानकारी दिए ।

उनले जनताले तत्काल प्रतिफल पाउने भएकाले कामलाई प्राथमिकतामा राखेर अघि बढाएको बताए । १५ प्रतिशत सेयर सर्वसाधारणका लागि छुट्टयाइएको दुवै जलविद्युत आयोजनाको ४५ लाख ७५ हजार बराबरको सेयर प्रतिकित्ता सयका दरले भर्न पाउने छन् ।

सरकारले जनताको स–साना पूँजी संकलन गरी जलविद्युत आयोजनाको काम गर्न यसअघि त्रिशुली ’बी’ जलविद्युत आयोजनाको सेयर आह्वान गरेको थिए ।

मन्त्री पुनले जनताले तत्काल मुनाफा आर्जन गर्न सक्ने आयोजनालाई प्राथमिकतामा राखेर जनताको जलविद्युत आयोजना कार्यक्रमलाई अघि बढाउने प्रतिवद्धता व्यक्त गरे ।

सान्जेन माथिल्लो जलविद्युत आयोजनाको २ अर्ब २२ करोड र सान्जेन जल विद्युत आयोजनाको ५ अर्ब २ करोड बजेट लाग्ने अनुमान गरिएको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]