Dabali News

पहिलो पटक फलामेटारमा बस पुग्दा भोजसहित खुसीयाली

२४ चैत

काठमाडौं । सार्वजनिक बस चल्न थालेपछि धनकुटाको चौबिसेका बासिन्दाले बाजागाजा, नाचगान र भोजसहित खुसीयाली मनाएका छन् ।

जिल्लाकै दुर्गम स्थान चौबिसे गाउँपालिकास्थित फलामेटारमा पहिलो पटक बस सञ्चालन भएपछि स्थानीयले बाजागाजा, नाचगान र भोजसहित खुसीयाली मनाएका हुन् ।

बसको स्वागत गर्न सयौं गाउँले फलामेटारमा भेला भएका थिए । स्थानीयले बस र बस चालकलाई फूल माला र अबिरले स्वागत गरेका थिए ।

मूलघाटदेखि ताप्लेजुङको ओलाङचुङगोलासम्म ट्रयाक खनिएको तमोर करिडोरको सडकको मूलघाट-फलामेटार खण्डमा पहिलो पटक बस संचालनमा आएको हो ।

करिब ७ अर्ब रुपैयाँको लागतमा निर्माण हुने तमोर करिडोर सडक राष्ट्रिय गौरवको आयोजना हो ।

सिमान्तकृत माझी जातिको बसोबास रहेको भैंसे क्षेत्रसम्म बस संचालन गर्न सडक व्यवस्थापन कार्य भइरहेको प्रदेश सांसद निरन राईले जानकारी दिएका छन् ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]