Dabali News

कृषकलाई उन्नत जातको ‘बाख्रा र बंगुर’ उपहार

२२ चैत

सोलुखुम्बु । महाकुलुङ गाउँपालिकाका पशुपालकलाई उन्नत जातको बाख्रा र बंगुरको पाठा वितरण गरिएको छ ।

पशु सेवा शाखाअन्तर्गत चालु आर्थिक वर्षमा स्वीकृत कार्यक्रमबाट पेल्माङ, छेस्काम र गुदेलका कृषकलाई ३२ बाख्रा र ४४ बंगुर वितरण गरिएको छ ।

पशुपालनमा नश्ल सुधार गरी उत्पादकत्व र उत्पादन बढाउने उद्देश्यले शतप्रतिशत अनुदानमा बाख्रा र बंगुर उपहारको रुपमा वितरण गरिएको पशु सेवा चिकित्सक डा. बिर्खराज कुलुङले बताए ।

एक कार्यक्रममा गाउँपालिका अध्यक्ष सागर किराँतीले कृषकलाई बाख्रा र बंगुर वितरण गरेका हुन् । मोरङको पथरीबाट किनेर ल्याइएको मेसान जातको बंगुर वडा नं ४ र ५ मा २०-२० वटा पाठी र २-२ वटा वीर (पाठा) वितरण गरिएको हो ।

वडा नं.२ पेमाङ र वडा नं.३ छेस्कामका कृषकलाई हेटौंडाबाट ल्याएको बोयर जातको १५-१५ बाख्रा र १-१ बोका वितरण गरिएको पशु सेवा शाखाले जनाएको छ ।

३ लाख ५० हजारमा बंगुर र १२ लाख रुपैयाँमा बाख्रा खरिद गरिएको हो , बंगुरसँगै ५ केजीका दरले दाना र मिनरल (खनिज पदार्थ) समेत वितरण गरिएको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]