Dabali News

महाबै गाउँपालिकामा काण्ड ३ : उपाध्यक्ष शाहीले किर्ते गरेर कानुनी सल्लाहकारको तलब खाए

१६ चैत्र

सुर्खेत । छोटै समयमा भ्रष्टाचारा र अनियमितताका एक पछि अर्को घटना सार्वजनिक भइरहेको कालिकोटको महाबै गाउँपालिकामा अर्को घटना सार्वजनिक भएको छ । गाउँपालिकाका अध्यक्ष नन्दबहादुर सिंह र उपाध्यक्ष मोहनराज शाहीले मिलेमतोमा कानुनी सल्लाहकारको तलब खाँदै आएका छन् ।

कानुनी सल्लाहकार रुपमा नियुक्त पाएका राजेन्द्र थापालाई कुनै जानकारी नै सेवा सुविधा आफै निकासा गरेर कुम्ल्याउँदै आएका छन् । यतिसम्मकी थापालाई जानकारी नै नदिएर कानुनी सल्लाहकारमा नियुक्त गरिएको थियो । आफू नियुक्त भएको अरुले भनेर मात्रै थाहा पाएको थापा बताउँछन् । गत जेठ १५ गते गाउँपालिकाले निर्णय गरिसकेपछि साउनको अन्तिममा गाउँपरिसदले अनुमोदन गरेर थापालाई नियुक्ति गरेको थियो । तर, उनले भने ६ महिनापछि मात्रै जानकारी पाए ।

थापालाई मासिक १८ हजारको दरले सेवा सुविधा उपलब्ध गराउने निर्णय भएको थियो । उनको नियुक्तिलाई गोप्य राखिएको थियो । स्थानीय माकेका नेताले माइन्युटको फोटोकपी गरेपछि मात्रै आफूलाई नियुक्त गरिएको थापाले पत्तो पाए । नियुक्तिमा थापालाई गाउँपालिकाको परामर्शदाताको रुपमा नियुक्त गरिएको निर्णयमा उल्लेख छ । आफूलाई नियुक्त गरेको जानकारी ६ महिनापछि पाउँदा आफैलाई लाज लागेको थापा बताउँछन् ।

आफूलाई नियुक्त गरेको र सेवा सुविधा पनि तोकिएको जानकारी पाएपछि बुझ्दा सबै महिनाको बुझेको रेकर्ड गाउँपालिका कार्यालयमा भेटाएको थापा बताउँछन् । उनको पारिश्रमिक उपाध्यक्ष शाहीले किर्ते गरेर बुझ्दै आएका थिए । सबैको दवावपछि केही महिनाको पारिश्रमिक पाएको थापा बताउँछन् ।

छानविन हुँदा उपाध्यक्ष शाहीले आफूले थापाको तलब बुझेको स्वीकार गरेका थिए । विना भरपाई शाहीले तलब बुझेको रेकर्डले देखाउँछ ।
अहिले थापा स्थानीय राजनीतिक पार्टीका प्रतिनिधिसँगै मिलेर गाउँपालिकाभित्र भएको भ्रष्टाचार विरोधी अभियाना लागेका छन् । अध्यक्ष र उपाध्यक्षको मिलेमतोमा गाउँपालिकाभित्र करोडौं बजेमा भ्रष्टाचार भएको थापा बताउँछन् ।

गाउँपालिकाको बजेटबाट अध्यक्ष, उपाध्यक्ष र कार्यकारी अधिकृतले सुर्खेतमा जग्गा खरिद गरेको समाचार हामीले यसअघि प्रकाशित गरिसकेका छौं ।

गाउँपालिकाका २ वडामा बनाउन लागिएका भवनको कोटेशन सार्वजनिक नगरी मिलेमतोमा निर्माण सुरु गरिएको छ । यो आर्थिक ऐन विपरित भन्दै स्थानीयले कोटेशन आह्वान गर्न दिएको सुझावलाई अध्यक्ष र उपाध्यक्षले सुनेका छैनन् ।

सामान ढुवानीको नाममा गाडीलाई पादमघाटबाट मान्मबाट सुर्खेत–नेपालगन्ज फेरी नेपालगन्जबाट मान्मसम्म भन्दै ८ लाख रकम निकासा गरिएको छ । तर, गाडी एक लाख १५ हजार सम्झौता भएको मालिक बताउँछन् ।
यो विषयमा बुझ्न खोज्दै अध्यक्ष र उपाध्यक्ष सम्पर्कमा आएनन् ।

महाबै गाउँपालिकामा काण्ड २ : अध्यक्ष र उपाध्यक्षले सरकारी बजेटमा सुर्खेतमा नीजि जग्गा खरिद गरे

‘कुखुरा चोरेर’ खाएका कालिकोट काँग्रेस जनप्रतिनिधिको अर्को काण्डः करोडभन्दा बढी हिनामिना

महावै गाउँपालिकाका अध्यक्षले गरे करोडभन्दा बढी भ्रष्टाचार, एमाले र माकेको कडा विज्ञप्ति

 

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]