Dabali News

राजपाद्वारा प्रतिनिधिसभा बैठक अवरुद्ध, टीकापुर घटनाको बास्तविकता नआउँदासम्म जनतामा भ्रम रहिरहने

२९ फागुन

काठमाडौं । राष्ट्रिय जनता पार्टी राजपाले प्रतिनिधिसभाको बैठक अवरुद्ध गरेको छ ।

टिकापुर घटनाका सम्बन्धमा गिरिशचन्द्र लाल नेतृत्वको समितिले तयार पारेको प्रतिवेदन सार्वजनिक गर्न माग गर्दै राजपाले आजको प्रतिनिधिसभाको बैठक अवरुद्ध गरेको हो ।

बैठकलाई सम्बोधन गर्दै राजपा सांसद राजकिशोर यादवले टिकापुर घटनाको प्रतिवेदन सार्वजनिक नभएसम्म संसद चल्न नदिने चेतावनी दिए ।

सभामुखको रुलिङपछि गृहमन्त्रीले दिएको जवाफ चित्त बुझ्दो नरहेको भन्दै उनले टीकापुर घटनाको बास्तविकता सामु नआउँदा जनतामा भ्रम रहिरहने बताए ।

१० मिनेटका लागि स्थगित गरिएको संसद पुन : सुचारु गर्ने विषयमा छलफल भइरहेको छ । यसअघिको बैठकमा राजपाका अध्यक्ष मण्डलका संयोजक महेन्द्रराय यादवले प्रतिनिधिसभाको बैठकमा टिकापुर घटनाको प्रतिवेदन सार्वजनिक नगरे अवरुद्ध गर्ने चेतावनी दिएका थिए ।

त्यसलगत्तै सभामुख कृष्णबहादुर महराले प्रतिवेदन सार्वजनिक गर्न सरकारलाई रुलिङ गरेका थिए ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]