Dabali News

पुराना कम्प्युटर र ल्यापटप फास्ट बनाउन एसएसडी

२७ फागुन

काठमाडौं । आजभन्दा केहि वर्ष अगाडी खरिद गरेको ल्यापटप वा कम्प्युटरमा अवश्य पनि हार्ड डिस्क नै थियो ।

हार्ड डिस्क निकै पहिले देखि प्रयोग हुँदै आएको डिजिटल भण्डारणको लागि प्रयोग गरिएको उपकरण हो । यिनीहरु धेरै साइजमा उपलब्ध हुन्छन् र खरिद गर्न पनि तुलनात्मक रुपले सस्ता हुन्छन् ।

तर कम्प्युटर र ल्यापटपको जगतमा प्रोसेसरको स्पिडमा र र्यामको साइजमा भएको फड्कोले चाहिँ हार्ड डिस्कलाइ पछि पारिदियो । नयाँ प्रोसेसर भएको ल्यापटप वा कम्प्युटरमा पनि हार्ड डिस्कको प्रयोग गरिएको खण्डमा सोचे जस्तो राम्रो परफरमेन्स पाउन सकिदैन ।

पुराना कम्प्युटर वा ल्यापटपलाई फास्ट चल्ने बनाउनका लागि एसएसडीको प्रयोग गर्न सकिन्छ । एसएसडीहरु साधारण हार्ड डिस्कको तुलनामा १० गुणाभन्दा बढी फास्ट हुन्छन् ।

महँगा एसएसडीहरु हार्ड डिस्कभन्दा ३० गुणासम्म पनि फास्ट हुने गर्दछन् । ल्यापटप वा कम्प्युटरमा भइरहेको हार्ड डिस्क हटाएर उक्त हार्ड डिस्कको सट्टामा एसएसडी हाल्नु पर्ने हुन्छ ।

एसएसडी प्रयोग गर्नुका फाइदाहरु

१. कम्प्युटर चाडो खुल्ने

हार्ड डिस्क भएको कम्प्युटरलाई खुल्न जति समय लाग्छ, एसएसडी भएको कम्प्युटर खुल्नलाई त्यो भन्दा ३ गुणासम्म कम समय लाग्छ । उदाहरणका लागि : ५४०० आरपीएम ( अर्थात् साधारण) हार्डडिस्कमा ३० सेकेन्ड लागेर खुल्ने कम्प्युटर, एसएसडी राख्ना साथ १० सेकेन्डभन्दा कममा खुल्न सुरुगर्छ ।

२. धेरै प्रोग्रामहरु एकैपटक चलाउन सजिलो बनाउने

एसएसडीको प्रयोगबाट धेरै एप र प्रोग्रामहरु चलाउन सजिलो हुन्छ । एउटा प्रोग्राम चलाउदा चलाउदै अर्कोमा स्विच गरेर चलाउने काम पनि द्रुत हुन्छ । एसएसडी भएको ल्यापटप वा कम्प्युटरमा एन्टीभाइरस सफ्टवेयरको स्क्यान पनि निकै चाडो हुन्छ ।

३. प्रोग्रामहरु चाडो खुल्ने

हार्डडिस्क भएको कम्प्युटरमा फोटोशप खुल्न एक मिनटसम्म लाग्न सक्छ, तर त्यहि कम्प्युटरमा एसएसडी राखेपछि उक्त प्रोग्राम १०-१५ सेकेन्ड मै खुल्छ र चलाउन तैयार हुन्छ । यसरी नै एसएसडी भएको कम्प्युटर वा ल्यापटपमा सम्पूर्ण प्रोग्रामहरु चाडैं खुल्छन् र चलाउने समयमा पनि राम्रोसँग ह्यांग नभई चल्छन् ।

४. गेमिंगमा सुधार

ठूला गेमहरु इन्स्टल हुन घण्टासम्म लाग्न सक्छ । तर एसएसडीको प्रयोगपछि त्यहि गेम पनि केहि मिनट मै इन्स्टल हुन्छ । प्रोग्रामहरु चाडै खुले जस्तै एसएसडीको प्रयोगबाट गेमहरु पनि चाडैं खुल्न सुरु गर्छन र खेल्ने बेलामा पनि राम्रोसंग चलिरहन्छन् ।

५. सुरक्षित

एसएसडीहरु हार्डडिस्कको तुलनामा निकै सुरक्षित हुन्छन् । हार्ड डिस्कहरु मुख्यत ः खस्ने बित्तिकै बिग्रने गर्छन तर एसएसडी भने खसेर खासै बिग्रदैन ।एसएसडीमा म्याग्नेटिक (चुम्बकीय) प्लेटहरु नहुने भएकाले पनि यिनीहरुमा इलेक्ट्रोम्याग्नेटिक झट्काबाट डेटा हराउने वा बिग्रने डर हुदैन, जुन हार्ड्डिस्कमा हुन्छ ।

६. शान्त र नतात्ने

एसएसडीमा घुम्ने पुर्जाहरु हुँदैनन । यसर्थ प्रयोगको बेलामा आवाज आउदैन र प्रयोगको समयमा हार्ड डिक्सको जस्तो ताप निकाल्दैन ।

बेफाइदा के ?

एसएसडी प्रयोगका फाइदा नै फाइदा छन् । प्रयोगको समयमा एसएसडी हार्ड डिस्कभन्दा सधै अब्बल नै ठहरिनेछ ।

एसएसडी खरिद गर्दा २ कुरा भने जानीरहनु पर्ने हुन्छ

१. एसएसडी महँगा हुन्छन्

एसएसडी हार्ड डिस्कको तुलनामा निकै महँगा हुन्छन । उदाहरणका लागि ६ हजारमा १ टेराबाइट अर्थात् हजार जीबीको हार्डडिस्क खरिद गर्न सकिन्छ । तर उक्त मूल्यमा केवल २४० जीबीको मात्र एसएसडी खरिद गर्न सकिन्छ जुन साइज कतिपय प्रयोगकर्ताका लागि निकै कम हो ।

साइज र परफरमेन्सको सहि तालमेल मिलाउनलाइ कम्प्युटरमा एसएसडी र हार्ड्डिस्क दुवै राख्नु उचित हुन्छ । विन्डोज र प्रोग्रामहरु एसएसडीमा राख्ने भने गेम, भिडियो, संगीत र आदि फाइलहरु चाहिँ हार्ड डिस्कमा राख्ने ।

२. एसएसडी मात्र फास्ट भएर कम्प्युटर फास्ट हुँदैन

एसएसडीले कम्प्युटर फास्ट चल्ने त बनाउछ तर कम्प्युटर फास्ट चल्ने बनाउनलाइ एसएसडी मात्र इन्स्टल गरेर पनि हुँदैन । यदि तपाईंको कम्प्युटरमा निकै पुरानो प्रोसेसर छ ( उदाहरणका लागि पेन्टियम ४, कोर टु डुवो, एएमडी फिनम आदि जस्ता प्रोसेसर ( छन् भने तपाईंले एसएसडी हाल्नुको कुनै अर्थ नै छैन । यस्तो अवस्थामा कम्प्युटर स्लो हुनुमा हार्ड डिस्कको दोष नभएर प्रोसेसरको दोष हो ।

यदि टास्क म्यानेजरमा १००५ डिस्क युजेज प्राय देख्ने गर्नु भएको छ भने चाहिँ तपाईंले एसएसडी प्रयोग गर्नु उचित ठहरिन्छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]