Dabali News

संस्थानद्धारा १ करोड बढीकोे धान खरिद

२९ पुस

वीरगञ्ज । नेपाल खाद्य संस्थान कार्यालयले १ करोड १३ लाख ७७ हजार ४०० मूल्य बराबरको ४ हजार ६२४.२३ क्विन्टल धान खरिद गरेको छ ।

सरकारले प्रतिक्विन्टल २ हजार ४६० रुपैयाँ ५७ पैसामा धान खरिद गर्ने समर्थन मूल्य तोकेपछि संस्थानले अहिले दैनिक ३०० देखि ४०० क्विन्टल धान खरिद गर्दै आएको छ ।

चालु आर्थिक वर्षमा १५ हजार क्विन्टल सोना मन्सुली धान खरिद गर्ने लक्ष्य लिएकामा संस्थानले हालसम्म ३३ प्रतिशत लक्ष्य प्राप्ति गरी उक्त मूल्य बराबरका धान खरिद गरेको शाखा प्रमुख अम्विकाप्रसाद घिमिरेले बताए ।

निजी क्षेत्रका व्यापारीले प्रतिक्विन्टल २ हजार ५०० मा धान खरिद गर्दै आएको छ । निजी क्षेत्रका गल्ला व्यापारी उधारोमा धान खरिद गर्ने गरेको भए पनि संस्थानले नगदमा धान खरिद गर्दा कतिपयले संस्थानलाई नै बेच्दै आइरहेका छन् ।

संस्थानसँग जापान सरकारले दुर्गम क्षेत्रका लागि अनुदानमा दिएको जापानी चामल २ हजार ४०० क्विन्टल, जिरा मन्सुली ६ हजार क्विन्टल र सोना मन्सुली १ हजार क्विन्टल मौज्दात अवस्थामा रहेको छ ।

संस्थानसँग ६० हजार क्विन्टल क्षमताका ६ गोदाम रहेका छन् । संस्थानले उत्पादन गर्ने चामल पर्सा, रौतहट, मकवानपुर र भरतपुर कारागारलाई समेत बेच्दै आएको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]