Dabali News

अछामका चार ठाउँमा नेकपाको जनसभाः जनयुद्धका झल्को, सहिद परिवारलाई सम्मान

२७ पुस

अछाम । नेपाल कम्युनिस्ट पार्टीले अछामका चार स्थानमा जनसभा तथा साँस्कृतिक कार्यक्रम गरेको छ । जिल्ला सदरमुकाम मंगलसेन, रामोरोशन गाउँपालिकाको मुझाबगर, चौरपाटी र कमलबजारमा जनसभा तथा साँस्कृतिक कार्यक्रम सम्पन्न भएका छन् ।

नेकपा अछामले अभियानात्मक रुपमा जिल्लाका चार स्थानमा जनसभा तथा साँस्कृतिक कार्यक्रम हेर्न स्थानीको बाक्लो उपस्थिति थियो । सामाना कलाकारको प्रस्तृतिले उनीहरुलाई जनयुद्ध कालको झल्को मिलेको स्थानीयले बताउँछन् ।

नेकपा अछामाका आयोजनामा पुस २२ गते मंगलसेन, २३ गते कमलबजार, २४ गते मुझाबजर र २५ गते चौरपाटीमा जनसभा सम्पन्न भएका छन् ।

पार्टीका केन्द्रीय सदस्य रामप्रसाद तिमिल्सिना, सेती ब्यूरो कार्यालय डबल बहादुर शाह, अछाम जिल्ला इन्चार्ज शेरबहादुर बिक, डोटी इन्चार्ज शिखर, युवा संगठन नेपालका केन्द्रीय सचिवालय सदस्य सज्जन धामि, अखिल नेपाल क्रान्तिकारी ट्रेड युनियन महासंघका उपाध्यक्ष अनुकुल, अखिल नेपाल किसाना संगठनका पश्चिम कमाण्ड ईन्चार्ज कालीबहादुर शाही,अखिल क्रान्तिकारीका केन्द्रीय सदस्य झलक बिक, अखिल नेपाल महिला संघ क्रान्तिकारीकी केन्द्रीय सदस्य पवित्रालगायतका नेताहरुले सभालाई सम्बोधन गरेका थिए ।

केन्द्रीय सदस्य तिमिल्सिनाले जनताले पूर्ण रुपमा अधिकार नपाएको बताउँदै सिमित उपलब्धीलाई केही नेताहरुका नातागोताको भरणपोशषमा उपयोग गरेको बताए । उनले जनयुद्धमा गरिएको त्याग र बलिदानमा केही नेताहरुले धोका दिएर दलाल संसदीय व्यवस्थामा सिमित गरेको बताए ।

वर्तमान सरकार भ्रष्ट, दलाल र तस्करको संरक्षणमा लागेको भन्दै त्यसबाट जनताको अधिकारी र सुरक्षाको कुनै ग्यारेण्टी नभएको तिमिल्सिनाले गरे । आफ्नो पार्टी जनयुद्ध र जनआन्दोलनमा गरिएको प्रतिवद्धताबाट पछि नहटेको भन्दै केन्द्रीय सदस्य तिमिल्सिनाले एकीकृत जनक्रान्तिमार्फत पूरा गर्ने बताए । त्यसको लागि अछामी जनतालाई एक पटक साथ दिन अपील पनि गरे ।

कार्यक्रममा सहिद परिवारलाई सम्मान समेत गरिएको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]