Dabali News

वाइडबडी जहाज खरिदमा भएको भ्रष्टाचारमा मुछिएकालाई तत्काल कारबाही नगर्ने

२६ पुस

काठमाडौं । सरकारले वाइडबडी जहाज खरिदमा भएको अनियमतितामा मुछिएका कर्मचारी तथा मन्त्रीहरुलाई तत्काल कारबाही नगर्ने जनाएको छ ।

आज (बिहीबार) सिंहदरबारमा मन्त्रिपरिषदको निर्णय र समसामयिक विषयमा जानकारी दिन आयोजित पत्रकार सम्मेलनमा सञ्चार तथा सूचना प्रविधिमन्त्री गोकुल बाँस्कोटाले सरकारले पनि उक्त विषयमा छानबिन गर्न आयोग नै बनाएकोले तत्काल कार्यान्वयनमा नजाने बताए ।

उनले भने,‘संसदको अन्य समितिहरुले पनि यस विषयमा छानबिन गरिरहेका छन् । फेरि लेखा समितिले बनाएको उपसमितिको प्रतिवेदनमा पनि केही गल्तीहरु भेटियो । त्यसैले सबैतिरबाट छानबिन गरेर रिपोर्ट आइसकेपछि जो भए पनि कारबाही गरिने छ ।’

यथार्थ विवरण नआइकन कारबाही गर्दा हतार हुन सक्ने बताउँदै वाइडबडी खरिदमा भएको अनियमितताबारे छानबिन गर्न बनेका समिति तथा सरकारले बनाएको आयोगले दिएको प्रतिवेदनमा एक रुपता आएपछि मात्रै कारबाही गरिने बताए ।

उनले भने,‘अहिले नै कारबाही नगर्नूको अर्थ कसैलाई कारबाही नगरिने भन्ने होइन । तर, छानबिन समितिले अन्तिम निस्कर्ष निकालेपछि जो जो कारबाहीका लागि सिफारिश हुन्छन् । ती सबैलाई कारबाही हुन्छ ।’

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]