Dabali News

पुरुषहरुका लागि गर्भनिरोधक सुई आयो, एक पटक लगाएपछि वर्षदिनलाई ढुक्क

५ पुस

काठमाडौं । महिलाका लागि अस्थाई गर्भनिरोधका अनेक विधि छन् । सुई देखि लिएर, पिल्स अनि पाठेघर तथा पाखुरामा राख्नेसम्मका उपकरण र कण्डम पनि ।

तर पुरुषका लागि भने अस्थाइ गर्भरिोधक साधनको रुपमा कण्डमको विकल्प अहिलेसम्म छैन ।
यस्तोमा पुरुषहरु आफुहरुको लागि पनि कण्डमको विकल्पका रुपमा नयाँ गर्भनिरोधक साधनको व्यग्र प्रतिक्षामा हुनु स्वभाविकै हो ।

पुरुषहरुको यहीँ प्रतिक्षाको घडी समाप्त पार्दै वैज्ञानिकहरुले पुरुषका लागि पनि महिलाको ३ महिने संगिनी सुई जस्तै अस्थाइ गर्भनिरोधक सुईको आविष्कार गरेका छन् ।

पुरुषका लागि विकशित गरिएको यो गर्भनिरोधक सुई एक पटक लगाएपछि कण्डम नलगाइकन एक वर्षसम्म ढुक्कसँग सहवास गर्न सकिनेछ र त्यस्तो सुई लगाएको पुरुषसँग एक वर्षभित्रमा सहवास गर्ने महिलामा गर्भ रहने छैन ।

अमेरिकाको पारसेमन फाउण्डेसनका वैज्ञानिकहरुले यस्तो पुरुष गर्भनिरोधक सुईको आविष्कार गरेको बताइएको छ । शोधकर्ताहरुले खरायोमा यो सुईको परीक्षण गर्दा त्यसले सकारात्मक नतिजा दिएको र त्यस्तो सुई लगाएको भाले खरायोले एक वर्षसम्म पोथीलाई गर्भिणी बनाउन नसकेको पाइएको छ ।

अमेरिकाको इलिनोइस विश्वविद्यालयका प्राध्यापक डोनाल्ड वाल्लरले खरायोमा गरिएको परीक्षणका क्रममा प्राप्त नतिजा आशा गरिएको भन्दा उत्कृष्ट रहेको बताएका छन् ।

खरायोमा प्रयोग भएको यो सुईलाई परिस्कृत गरी मानिसका लागि गर्भनिरोधक सुईको रुपमा प्रयोग गर्न सकिने विश्वास शोधकर्ताहरुको छ । वैज्ञानिकहरुले उक्त पुरुष गर्भनिरोधक खोपलाई भेसल जेलको नाम दिएका छन् । अब छिटै मानिसमा यसको परीक्षण शुरु गर्ने बताइएको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]