Dabali News

मलेसिया रोजगारीका लागि जाने बाटो खुल्दै

२० मंसिर

काठमाडौं । श्रम, रोजगार तथा सामाजिक सुरक्षामन्त्री गोकर्ण विष्टले मलेसियामा रोजगारी खुल्ने प्रक्रियामा रहेको बताएका छन् ।

मलेसियासँग भएको श्रम समझदारी कार्यान्वयन गर्न केही विधि र प्रक्रिया पूरा गर्नुपर्ने भएकाले ढिलाइ भएको बताए ।

नेपाल र मलेसियाबीच गत कातिक १२ गते श्रम समझदारी भएको थियो । उनले मलेसिया रोजगारीसम्बद्ध ५ संस्थालाई गत जेठ २ गते कारबाही गरेपछि त्यसयता कामदार मलेसिया जाने क्रम बन्द छ ।

श्रम समझदारीपछि पनि कामदार मलेसिया जान नपाएपछि विरोधका आवाज सार्वजनिक भइरहेका छन् ।
कलिङ भिसा प्राप्त गरेका १० हजार युवासमेत मलेसिया जान पाएका छैनन् । श्रम समझदारीपछि कामदार मलेसिया जान नपाएको प्रतिपक्षी दललेसमेत विरोध सुरु गरेका छन् ।

उनले मलेसिया जाने युवाको शोषण नहोस् भनेर सरकारले अडान राखेको र अब त्यसो नहुने बताए । आम युवाकोहितका लागि मलेसिया रोजगारी खुल्न केही ढिलाइ भएको उनले स्वीकार गरे ।

मलेसिया नेपालको सबभन्दा ठूलो गन्तव्य हो । हालसम्म श्रम स्वीकृति लिएर करिब १० लाख युवा त्यहाँ पुगेका छन् ।

एक महिनाअघि भएको २ देशबीचको श्रम समझदारीमा मलेसिया कामदार पठाउने संयन्त्र पुरानै रहने र ती संस्थाले लिने शुल्क रोजगारदाताले बेहोर्ने उल्लेख छ । विगतमा पनि मलेसिया जाँदा लाग्ने शुल्क कामदारले बेहोर्दै आएका थिए ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]