Dabali News

फागुन १ बाट कालिकोटका सबै गाउँमा मदिरा नियन्त्रण गर्ने नेकपाको तयारी

२० माघ

कालिकोट । नेपाल कम्युनिष्ट पार्टी निकट राष्ट्रिय युवा जनस्वयमसेवकले जनयुद्ध दिवसको अबसरमा फागुन १ गतेबाट जिल्‍लामा मदिरा नियन्त्रण गर्ने घोषणा गरेको छ ।

मदिराको उत्पादन र प्रयोगले सीमा पार गर्दा समाजमा अराजकता फैलिएको, धन-सम्पति सकिनुको साथै स्वास्थ्यमा ठूलो असर पारेको भन्दै मदिरा नियन्त्रण गर्न अावश्यक रहेको जनस्वयमसेवकका कर्णाली इन्चार्ज दिनेश विकले बताए । सुरुमा मदिरा उत्पादन बन्द गर्न सूचना दिने, बन्द भए नभएको संगठनले टीम परिचालन गर्ने विकले बताए । जारी एकीकृत जनजागरण अभियान अन्तरगत जिल्लाका सबै गाउँसम्म पुगेर मदिरा नियन्त्रणको थालनी गरिने बताइएको छ ।

त्यसैगरी अभियानको क्रममा जनयुद्ध दिवसको अवसरमा फागुन १ गते सडक उद्घाटन गर्ने जनस्वयमसेवकले बताएको छ । नरहरिनाथ गाउँपालिकाले टेन्डर अाह्वान गरेको सडक अाफ्नो संगठनले खन्‍ने बिकले जानकारी दिएका छन् ।

यसअघि पत्रकार सम्मेलन गरेरै जनस्वयमसेवकले जिल्लाको खुलालुदेखि माल्कोट हुँदै रुप्सासम्म करिव ९ किलोमिटरको लम्बाई भएको सडक उद्घाटन गर्ने जानकारी दिइसकेको छ ।

तीन महिने अभियानको क्रममा जिल्लामा हुने भ्रष्ट्राचार, कालो बाजारी, महंगीविरुद्धसँगै समाजमा मौलाइरहेको अराजकताको प्रतिवाद गर‍िने बताइएको छ ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]