Dabali News

चौधरीलाई सपथ नगराए २३ गतेदेखि चरणवद्ध आन्दोलन गर्ने चेतावनी

१८ मंसिर

काठमाडौं । थारु कल्याणकारिणी सभा (थाकस) कैलालीले प्रतिनिधिसभा सदस्य रेशमलाल चौधरीलाई तत्काल प्रमाणपत्र र शपथ ग्रहण नगराइए मंसिर २३ गतेदेखि चरणवद्ध आन्दोलन गर्ने चेतावनी दिएको छ ।

मंगलवार धनगढीमा पत्रकार सम्मेलन गरी आन्दोलनको कार्यक्रम सार्वजनिक गर्दै थाकसले चेतावनी दिएको हो ।

थाकस कैलालीका कार्यवाहक सभापति माधव चौधरीले राज्यले टीकापुर घटनालाई आपराधिक मुद्दा नभई राजनीतिक मुद्दाको रुपमा लिनुपर्ने बताए । राजनीतिक अधिकार प्राप्तिको आन्दोलनको क्रममा घटना घटेको भन्दै उनले राजनीतिक रुपमै सम्बोधन गर्नुपर्ने माग गरे ।

अदालती प्रक्रिया भन्दै सरकारले २७ जना निर्दोष थारुहरूलाई ४० महिनादेखि पुर्पक्षको लागि भन्दै कारागारमा कोचेर अन्याय गरिरहेकाले क्षतिपूर्तिसहित तत्काल रिहाइ गर्नुपर्ने बताए ।

थरुहट संघर्ष समितिले उठान गरेका पहिचान सहितको अधिकार सम्पन्न सीमांकन कायम गर्नुपर्ने, थरुहट आन्दोलन सम्बन्धी छानबिन गर्न सर्वोच्च अदालतका पूर्वन्यायाधीश गिरीशचन्द्र लाल नेतृत्वको उच्चस्तरीय छानबिन टोलीले तयार पारेको प्रतिवेदन सार्वजनिक गर्नुपर्ने माग गरिएको छ ।

थाकसले आन्दोलनको कार्यक्रमसमेत सार्वजनिक गरेको छ । २३ गते सुदूरपश्चिम प्रदेशका मुख्यमन्त्री त्रिलोचन भट्टमार्फत प्रधानमन्त्रीलाई ज्ञापनपत्र बुझाउने, २४ गते टीकापुरमा बृहत अन्तक्र्रिया गर्ने र त्यसपछि जिल्लाको सबै स्थानीय तहमा कार्यक्रम गर्ने जनाइएको छ ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]