Dabali News

आज नेप्से दोहोरो अंकले बढ्यो

१८ मंसिर

काठमाडौं । ओरालो लाग्दै आएको नेपाल स्टक एक्सचेन्ज (नेप्से) परिसूचकमा आज दोहोरो अंकले वृद्धि भएको छ ।

परिसूचक १०.२७ अंकले बढेर ११ सय ४२.०१ कायम भएको छ । मंगलबार व्यापार र होटल समूहबाहेक सबै समूहका सूचकमा वृद्धि आएकोे छ ।

सबैभन्दा धेरै विकास बैंक समूह ३१.०२ अंकले बढेको छ भने जीवन बिमा समूहमा २० अंकले वृद्धि आएको छ । निर्जीवन बिमा समूह १५.११ अंकले बढेको छ । बैंकिङ समूह ७.२२ अंकले बढेको छ ।

१६१ कम्पनीका १ लाख २२ हजार १४४ कित्ता शेयर किनबेच हुँदा ३८ करोड २६ लाख ५९ हजार रुपैयाँको कुल कारोबार भएको छ ।

आजको कारोबारमा सबैभन्दा धेरै नेपाल बैंकका ११ करोड ४२ लाख ८८ हजार रुपैयाँमा शेयर किनबेच भएको नेपाल स्टक एक्सचेन्जले जनाएको छ ।

दोस्रो स्थानमा ग्लोबल आईएमई बैंकको ३ करोड ३७ लाख ४५ हजार रुपैयाँको शेयर कारोबार भएको छ । आइतबार १७ अंकले घटेको नेप्से परिसूचक सोमबार ०.९ अंकले मात्र बढेको थियो ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]