Dabali News

१८९ महिला तथा बालबालिका बेपत्ता

४ मंसिर

काठमाडौं । बागलुङमा २ वर्षको अवधिमा १८९ महिला तथा बालबालिका हराएका छन् ।

जिल्ला प्रहरी कार्यालयका अनुसार आर्थिक वर्ष २०७३-७४ मा ८६ महिला २४ बालबालिका हराएका छन् । आव २०७४-७५ मा ७९ महिला तथा बालबालिकामध्ये ६७ महिलासहित १२ बालबालिका हराएका प्रहरीको तथ्याङ्कले देखाएको छ ।

जिल्ला प्रहरी कार्यालयका अनुसार जिल्लाको तथ्याङ्क हेर्दा महिला तथा बालबालिका हराउने क्रम आव २०७३-७४ मा बढे पनि २०७४-७५ मा भने घटेको छ । हराउनेमध्ये केहीले भागेर आफैँ बिहे गर्ने तथा सानै उमेरमा बिहे गरेर भारततिर गएको हुन सक्ने प्रहरीले जनाएको छ ।

छिमेकी देश भारतको खुला सीमा र बढ्दो सामाजिक सञ्जालको प्रयोगसँगै महिला तथा बालबालिका हराउन थालेको प्रहरीको भनाई छ ।

“सामाजिक सञ्जालको दुरुपयोग बढ्दो छ” रेग्मीले भने,“महिला तथा बालबालिका विभिन्न प्रलोभनमा परी परिवारबाट सम्पर्कविहीन हुने गरेका छन् ।” प्रहरीको अध्ययन अनुसार हराएका महिला तथा बालबालिका कतिपय अवैध कार्यमासमेत संलग्न भएको पाइएको छ । आव २०७३-७४ मा हराएका ११० मध्ये ३५ महिला र १८ बालबालिका र आव २०७४-७५ मा हराएका ७९ मध्ये २८ महिला र ६ बालबालिका घरपरिवारको सम्पर्कमा आएका छन् ।

यस्तै चालू आवको अहिलेसम्मको अवधिमा हराएका २४ मध्ये ६ महिला तथा ३ बालबालिका परिवारको सम्पर्कमा आएका छन् । हराएपछि खोजबिनका लागि प्रहरीलाई खबर गरे पनि फेला परेपछि धेरैले जानकारी नगराएकाले फेला पर्नेको यकिन तथ्याङ्क नआउने प्रहरीले जनाएको छ ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]