Dabali News

प्रकाश दाहालको प्रथम स्मृति दिवस

३ मंसिर

काठमाडौं । तत्कालीन माओवादी केन्द्रका पोलिटव्यूरो सदस्य एवं युवा नेता प्रकाश दाहालको निधन भएको आज एक वर्ष पुरा भएको छ ।

नेकपाका अध्यक्ष प्रचण्डका एकमात्र छोरा प्रकाशको गत वर्ष आजकै हृदयघातका कारण निधन भएको थियो ।

एमाले-माओवादीको चुनावी गठबन्धनको तयारीका लागि काठमाडौं आएका बेला प्रकाशको आकस्मिक निधन भएको थियो ।

प्रचण्ड निवास खुमलटारमा आज प्रकाश दाहाल स्मृति दिवस कार्यक्रम हुँदैछ । कार्यक्रममा उनीबारे प्रकाशित स्मारिका बिमोचन हुने उनको परिवारले जनाएको छ ।

दिवङ्गत प्रकाश र उनकी दिदी ज्ञानु दाहालको स्मृतिमा निर्माण भएको प्रज्ञा स्मृति प्रतिष्ठानले कार्यक्रमको आयोजना गरेको छ । स्मृति कार्यक्रममा राष्ट्रपति, उपराष्ट्रपति, प्रधानमन्त्री, मन्त्रीहरु, सांसदहरु, नेपाल सरकारका उच्चपदस्थ अधिकारीहरु र शुभेच्छुकहरुलाई आमन्त्रण गरिएको छ ।

आज नै प्रकाश दाहालका शुभेच्छुकहरुले देशका विभिन्न जिल्लामा दीप प्रज्जवलन लगायतका कार्यक्रम गरी स्मृति दिवस मनाई रहेका छन् ।

वाइसिएल, युवा संघ नेपाल, अनेरास्ववियू र अनेरास्ववियू (क्रान्तिकारी) ले देशका विभिन्न ठाउँमा रक्तदान कार्यक्रम, खेलकूद प्रतियोगिता लगायतका कार्यक्रम गरी प्रकाश दाहाल स्मृति दिवस मनाउँदै छन् ।

युवाहरुले माइतीघर मण्डलामा प्रकाशको स्मृतिमा दीप प्रज्जवलन गर्ने कार्यक्रम रहेको छ ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]