Dabali News

होचा पुड्काहरुको देउसो-भैली सुरु 

२१ कात्तिक

काठमाडौँ । नेपाल होचा पुड्का संघले देउसी भैलो कार्यक्रम खेल्न सुरु गरेको छ। अाफ्नो संस्कृति जोगाउन र ऐतिहासिक राष्ट्रिय सम्मेलनको सहयोगको  लागि  देउसी-भैलो कार्यक्रम आयोजना गरेको संघका अध्यक्ष निर्मल मग्रातिले बताए ।

‘होचा पुड्काको एकता, आजको आवश्यकता सार्थक र चेतनामुलक कलाकारीता हाम्रो प्रतिबद्धता’ भन्ने नाराका साथ उनीहरुले भृकुटीमण्डपबाट देउसी-भैली खेल्न सुरु गरेका हुन् । उनीहरुले सोमबारदेखि सुरु भएको देउसी पाँच दिनसम्म फरकफरक ठाउँमा खेललिन अायोजकहरुले दिएका छन् ।

देशभरका होचा तथा पुड्काहरुको ऐतिहासीक राष्ट्रिय सम्मेलनको लागि सहयोग जुटाउन कार्यक्रमले टेवा पुग्ने संघका अध्यक्ष मग्रातीले बताए । उनले शरीरिक रुपले होचा र पुुड्का भएपनि अरुहरुको भन्दा अाफूहरुको प्रतिभा कम नभएको समेत बताए । पहिलेपहिले अरुको छेउमा जान र घुलमील हुन लाज मान्ने उनीहरु आजभोली आफै संघ खोलेर आफू जस्तै अरुको सेवा गरि रहेका छन् ।

कार्यक्रम पर्यटक व्यवसायी गोपाल बाबु श्रेष्ठको प्रमुख आत्तिथ्यतामा कार्यक्रम सुरु गरिएको थियो । बिगतमाझैँ आगामी दिनमा होचा पुड्का संघको हकहितमा सदा साथ र सहयोग गर्ने उनले प्रतिबद्धता समेत जनाए।

संस्थाका महासचिव लेखबहादुर मोक्तानले देउसी-भैलोबाट उठेको रकमले राष्ट्रिय सम्मेलन गर्ने र समस्याग्रस्त अवस्थामा रहेका होचा पुड्कालाई सहयोग गर्ने बताए। काठमाडौँमा कोहि पनि नभएका होचा पुड्कालाई गोलढुंगामा बसोबासको व्यवस्था मिलाइसकेको समेत बताउदै उनीहरुको हकहित सुरक्षित गर्न कल्याणकारी स्व. कोष स्थापना गर्ने समेत जानकारी दिए । हाल ५ जना होचापुड्कालाई संस्थाले गोलढुंगामा बसोवासको व्यवस्था मिलाएको महासचिव मोक्तानले बताए।

कार्यक्रमका बिशेष अतिथि समाजसेवी बिनयजंग बस्नेतले होचा पुड्काहरुलाई हाँसोको पात्रको रुपमा चित्रण गर्ने मानसिकता त्याग्दै उनीहरु भित्र लुकेर बसेको प्रतिभालाई प्रस्फुटन गर्नुपर्नेमा जोड दिए। उनले आगामी दिनमा होचापुड्काहरुको लागि सरकारले आरक्षणको व्यवस्था गर्नुपर्ने बताए। कार्यक्रममा बोल्दै अर्का अतिथि नेपाल मेडिकल व्यवसायी संघका अध्यक्ष सिताराम रेग्मीले १५५ वटा मेडिकलमा होचा पुड्काको लागि औषधि र स्वास्थ्य चेकजाचको व्यवस्था गरिएको जानकारी दिए।

देउसी-भैलो उद्घाटनमा राष्ट्रिय कलाकार गणेश गुरुङ, सुमन परियार, वेलिमाया गोर्खाली, मिना थापामगर, मनमोहन बिक, यादब पोखरेल, प्रितम थापामगर, गणेश परियार लगायतले बाद्यवादन तथा गायन सहित विभिन्न प्रस्तुति दिएका थिए। होचापुड्का संघका सदस्यले कलाकारको प्रस्तुतिमा आकर्षक नृत्य गर्दै कार्यक्रमको माहोल तताएका थिए । संघले आगामी बर्षमा पनि देउसी भैलो कार्यक्रमलाई निरन्तरता दिने बताएको छ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]