Dabali News

यस्तो छ राष्ट्रिय सभा निर्वाचनको कार्यतालिका, उम्मेवारी दर्ता कहिले ?

२७ पुस

काठमाडौं । राष्ट्रियसभा सदस्य निर्वाचनको कार्यतालिका सार्वजनिक भएको छ ।

निर्वाचन अायोगले बुधबार सार्वजनिक गरेको कार्यतालिकाअनुसार माघ १० गते उम्मेदवारी दर्ताको समय तोकिएको छ ।

अागामी माघ २४ मा हुने राष्ट्रियसभाको निर्वाचन गर्ने सरकारले घोषणा गरेको थियो । विहान १० बजेबाट अपराहृन ३ बजेसम्म मतदान हुनेछ ।

गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख गरी जम्मा १५०६ जना तथा प्रदेशसभाका ५५० सदस्य गरी कुल २,०५६ जना मतदाता छन् ।

प्रदेशसभा सदस्यको एक जना मतदाता बराबर ४८ र स्थानीय तहका प्रमुख र उपप्रमुखको मतभार १८ हुने व्यवस्था छ ।

स्थानीय तहका प्रमुख/उपप्रमुख र प्रदेशसभा सदस्यको मतबाट राष्ट्रियसभाका ५६ सदस्य निर्वाचित हुनेछन् । प्रत्येक प्रदेशबाट महिला र खुलाबाट ३/३ जना, दलित र अपाङ्गता भएका व्यक्ति वा अल्पसङ्ख्यक समुदायबाट १/१ जना गरी ८ जना चुनिनेछन् ।

निर्वाचन आयोगका अनुसार सात स्थानमा मतदान स्थल रहनेछन् । उच्च अदालतको मुख्यालयमा मतदान केन्द्र रहने अायोगका प्रवक्ता नवराज ढकालले जानकारी बताए ।

आयोगले उच्च अदालत रहेको जिल्लाको सदरमुकाममा पुस २९ गते निर्वाचन अधिकृतको कार्यालय स्थापना गर्ने निर्णय पनि गरेको छ ।

आयोगका अनुसार मतदान केन्द्रहरुमा माघ ७ गते मतदाता नामावली प्रकाशन गरिनेछ भने १५ गते उम्मेदवारहरुलाई निर्वाचन चिहृन प्रदान गरिनेछ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]