Dabali News

बम दिदीबहिनी भन्छन्- निर्मला हत्याबारे सरकारी छानविन समितिको प्रतिवेदन झुटो (भिडियोसहित)

धनगढी । कञ्चनपुरकी बालिका निर्मला पन्तका बलात्कारी–हत्यारालाई कारवाहीको लागि सडक–सदन र मिडियाका पानापाना रंगिए तर पनि अहिलेसम्म पत्ता लाग्न सकेको छैन । दशैंअघि नै आफ्नी छोरीका हत्यारालाई कारवाही हुने निर्मलाका आमाबुबाको अपेक्षा पूरा हुन सकेन ।

हत्यामा संलग्न हुन सक्ने भन्दै सबैले चोरऔला उठाएका बम दिदीबहिनी सार्वजनिक रुपमा देखिएकी छन् । लामो समयसम्म कतै नदेखिएकी निर्मलाकी साथी रोशनीसँगै उनकी दिदी बबिताले आफूलाई कुनै जानकारी नभएको बताएकी छन् । दुबै बहिनीहरुले आफूमाथि अन्यय भएको भन्दै न्याय मागेकी छन् ।

कसैले सोध्दै नसोधी आफूहरुमाथि विभिन्न आरोप लगाएका बताएकी छन् । दुबै बहिनीले आफूहरुलाई समाजमा मुख देखाउन नसक्ने गरी मिडियाले प्रचार गरेको आरोप लगाएकी छन् ।

घटनापछि आफूहरु मामा घर गएको बबिताले बताइन् । आफूहरुलाई घरमा बस्ने नसक्ने वातावरण भएपछि आफूहरु मामा घर भएकी बताइन् । रोशनीले आफूहरुमाथि पनि प्रहरीले छानविन गरेको भन्दै दोषी भए कारवाही गर्नु पर्ने बताइन् । उनले आफूलाई दोषी पुष्टि नगरी विभिन्न आरोप लगाएर अन्याय भएको बताइन् ।

बबिताले सरकारी प्रतिवेदन झुट भएको बताएकी छन् । आफूहरुसँग नसोधिएका कुरा प्रतिवेदनमा उल्लेख गरिएका समेत उनले बताएकी छन् । उनले अाफूलाई ट्यूशन पढ्न नगएको भन्ने अारोपको पनि खण्डन गरेकी छन् । बबिताले ट्युसन सेन्टरमा गएर बुझ्न चेतावनी समेत दिएकी छन् । त्यसैगरी डान्स सिक्न कहिलै नगएको समेत बताएकी छन् । अाफूहरुलाई प्रहरी सुरक्षा दिएको भन्ने कुरा पनि झुटो भएको बताएकी छन् ।

भिडियो 

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार हाम्रो अनलाइनको प्राथमिकता हो ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

दर्ता नं. १५४/०७३-७४

Dabali Media
Anamnagar Kathmandu
Phone
01-4771244
Email
[email protected]
[email protected]