Dabali News

आमरण अनशनकै क्रममा जीडीको निधन, मोदीले दिए श्रद्धाञ्जलि

२६ असोज

काठमाडौं । भारतमा गंगा नदीको स्वच्छता र रक्षा अभियानमा सक्रिय पर्यावरणविद जीडी अग्रवाल (स्वामी सानन्द) को निधन भएको छ ।

विगत ११२ दिनदेखि आमरण अनशन बसेका उनको अनशनकै क्रममा निधन भएको छ । उनले गत बुधबारदेखि जलसमेत त्यागेका थिए । स्वास्थ्य अवस्था गम्भीर भएपछि उनलाई अस्पताल भर्ना गरिएको थियो । अस्पतालमै उनको निधन भएको हो ।

गंगाको स्वच्छताका लागि उनले बारम्बार भारतका प्रधानमन्त्री नरेन्द्र मोदीसमक्ष गुहार मागेका थिए । कयौं पटक उनले पत्रमार्फत मोदीको ध्यानाकर्षण गराए । आफ्ना माग सुनुवाई नभएको भन्दै उनी अनशन बसेका थिए ।

उनले गंगा नदीमा विद्युत परियोजना सञ्चालन गर्ने सरकारी योजनाको विरोध गर्दै आएका थिए । उनका माग पुरा नगरेका मोदीले निधनमा भने दुःख व्यक्त गरेका छन् ।

ट्वीट गर्दै उनले लेखेका छन्, ‘श्री जीडी अग्रवालजीको निधनबाट दुःखी छु । शिक्षा, पर्यावरण, विशेष रुपमा गंगाको सफाईका दिशामा उहाँको लगाव सदैव याद गरिनेछ, मेरो श्रद्धाञ्जलि ।’

Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]