Dabali News

रोकायालाई हटाएर गौतमलाई बाँकेबाट चुनाव लडाउने तयारी, बागी उम्मेदवारी दिने पीटरको घोषणा

१ असोज

काठमाडौँ । नेपाल कम्युनिस्ट पार्टीका नेता वामदेव गौतमलाई बाँकेबाट चुनाव लडाउने तयारी भइरहेको छ । यही तयारीका साथ बाँके निर्वाचन क्षेत्र नम्बर ३ का निर्वाचित सांसद नन्दलाल रोकायालाई राजिनामा दिन लगाइएको छ ।

सांसद रोकायाले आइतबार राजिनामा गरेका छन् । उनको राजिनामालाई वामदेव गौतमलाई उप निर्वाचन गराएर संसदमा भित्र्याउने खेलको अर्थमा लिइएको छ ।

नेता वामदेव गौतमलाई सांसद बनाउन निर्वाचित रोकायालाई राजिनामा गर्न बाध्य बनाएको भन्दै स्थानीयले विरोध गर्न थालेका छन् ।
वरिष्ठ पत्रकार तथा लेखक नरेन्द्रजंग पीटरले रोकायालाई अपमानित गरी हटाएको भन्दै विरोध गरेका छन् । उनले संसदीय चोर दुलोबाट छिर्न रोकायालाई हटाइएको बताए । उनले जननिर्वाचितलाई हटाएर सरकारी (नेकपा)का नेतालाई संसदीय चोरदुलोबाट छिर्न चाहन्छन् भने आफू उक्त क्षेत्रका स्वतन्त्र उम्मेदवारी दिने घोषणा गरेका छन् । पत्रकार पीटरले सामाजिक संजालमा उक्त घोषणा गरेका हुन् ।

“यदि बाँके क्षेत्र नंवर ३ मा जननिर्वाचित प्रतिनिधि कमरेड नन्दलाल रोकायलाई अपमानित गरी हटाएर अन्य कुनै सरकारी नेकपाका नेता संसदीय चोरदुलोबाट छिर्न चाहन्छन भने म नरेन्द्रजंग पिटर (नुनिन्द्र दुलाल) सो क्षेत्रबाट स्वतन्त्र उम्मेदवार बन्ने घोषणा गर्दछु” पीटरले लेखेका छन् । उनले आफू सो क्षेत्रको वामदेवभन्दा पुरानो अभियान्ता भएको बताएका छन् ।

“बामदेवजी भन्दा खजुराक्षेत्रको म पुरानो अभियन्ता हुँ भने सहमतिमा हिम्मत र विमतिमा विवेक प्रयोग गर्ने सडकको म पर्टीविहनीन माओवादी पनि हुँ” पीटरले सामाजिक संजालमा लेखेका छन् । उनले रोकायालाई अपमानि नगर्न समेत भन्दै पीटरले अगाडि लेखेका छन्, “यो क्षेत्रलाई कसैले अपमानित नगरोस्, यसो त म संसदीय कम्युनिज्ममा विश्वस्त छैन, संसदको रमिता र तमासा देखेर ।’

सांसद रोकायाले पूर्वएमालेका तर्फबाट ३१ हजार ५ सय १७ मतसहित संघीय संसद सदस्यमा निर्वाचित भएका थिए । उनका प्रतिस्पर्धी काङ्ग्रेसका बादसाह कुर्मि २६ हजार ६ सय १७ मत ल्याएका थिए ।

गौतमलाई जसरी पनि संसदमा भित्र्याउने तयारी (नेकपा)ले धेरै पहिलेबाट गरेको हो । सुरुमा डोल्पाबाट चुनावको तयारी गरिएको थियो । त्यसपछि रुकुम पश्चिममा पनि नगरेको होइन तर त्यहाँका जननिर्वाचित सांसदहरुले राजिनामा गर्न नमानेपछि (नेकपा) बाँके पसेको थियो ।

Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]