Dabali News

अन्न खाएर घर भत्काउन थालेपछि स्थानीयवासी भागे, धानबाली नष्ट

२८ भदौ

काठमाडौं । जङ्गली हात्तीको झुण्डले शुक्लाफाँटा राष्ट्रिय निकुञ्जको तारापुर क्षेत्रमा धानबाली नष्ट गरेको छ ।

हात्तीको झुण्डले स्थानीयवासी दिलबहादुर चौधरीको घरसमेत भत्काएका छन् । भण्डारण गरेर राखेको सबै अन्न खाएर घर भत्काउन थालेपछि स्थानीयवासी भागेका थिए । “रातभर आगो बालेर र हो-हल्ला गरी घर जोगायौँ,” स्थानीयवासी नरबहादुर ढुङ्गेलले भने,“ज्यान जोगाउन मुश्किल भएको छ ।”

बर्सेनी जङ्गली हात्तीले अन्नबाली नोक्सान गर्दै आएका छन् । निकुञ्जसँग जोडिएका बस्तीका बासिन्दाले छिमेकी गाउँमा शरण लिनुपरेको छ । तारापुर शिविरमा निकुञ्ज विस्तारका क्रममा विस्थापित भएका परिवार बस्दै आएका छन् ।

हात्तीको बथानले शुक्लाफाँटा नगरपालिका-५ गर्जमुनी र खजुवामा ६ बिघा धानबाली नष्ट गरेको छ । “हात्तीको बथान मध्यरातमा गाउँ पस्ने गरेको छ,” गर्जमनीका वासुदेव भट्टले भने ।

निकुञ्जका हात्तीले प्रत्येक वर्ष धानबाली नष्ट गर्दै आएका छन् उनले भने, “ भित्र्याउने बेला जङ्गली जनावरले अन्नबाली खाइदिन्छ, हामीले सधैँ बजारबाट अन्न खरीद गर्नुपर्ने बाध्यता छ ।”

Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]