Dabali News

Ad

नेपालभाषाको ‘बूदिंया भिंतुना’को कभर प्रतिस्पर्धा सुरु

२ पुस

काठमाडौं । पेजथ्री नेपालभाषा पाक्षिकले नेपालभाषाको जन्मदिनको शुभकामना गीत ‘बूदिंया भिंतुना म्ये’ को कभर प्रतिस्पर्धा गरेको छ ।

पौष १ गतेदेखि माघ ८ गतेसम्म गायक तथा रचनाकार सुरजवीर बज्राचार्यको ‘बूदिंया भिंंतुना’ गीत युट्युवमा उपलब्ध ट्रयाक वा संगीतको साजसँग गाएर मोबाइल भिडियो बनाइ फेसबुक पेजमा पोष्ट गरेपछि प्रतिस्पर्धामा सहभागी हुन पाइने छ ।

जन्मदिन परम्परामा अन्य संस्कृतिको प्रभाव हटाउन आफ्नै भाषा र भावमा नेवार परम्परा नै नेवार समुदायको प्राथमिकतामा परोस भन्ने चाहनाले मंगलधूनमा लेखिएको उक्त गीत संगीतकार जुगल डगोलको संगीत संयोजनमा तीन महिना अघि सार्वजनिक गरिएको थियो ।

गीत बजाएर सगुन दिने, जन्मदिन परेका ब्यक्तिको फोटोमा उक्त गीत समावेश गरी भिडियो समर्पण गर्ने गीत गाएर शुभकामना दिने गतिविधि बढेको कारण पनि अझ बढीले सुनोस् र गाओस् भनेर कभर प्रतियोगिता गर्न अग्रसर भएको गायक तथा रचनाकार सुरजवीर बज्राचार्यले जानकारी दिए ।

नेपालभाषा सांगीतिक क्षेत्रमा नयाँ गायकको आगमन पनि सहज हुने उनको भनाई छ । जन्मदिनको शुभकामना ब्यक्त गर्न बनेका कम गीतहरुमध्ये उत्कृष्ट रहेको कारण पनि यो गीत अझ धेरैले सुनोस्, शुभकामना दिने माध्यम बनोस्, र गाओस् भन्ने उद्देश्यले प्रतिस्पर्धा आयोजन गरेको पेजथ्री पाक्षिकका दर्शनवीर शाक्यले बताए ।

प्रतिस्पर्धामा प्रथम हुनेलाई आर्टोम्युज रेकर्डिङ स्टुडियोले सुरजवीर बज्राचार्यको शब्द र जुगल डंगोलको संगीतमा एउटा गीत रेकर्ड गरिदिनेछ भने गोल्मा कम्पनी प्रा.लि.ले हालै बजारमा आएको चेज लिड टेलिभिजन (२४”) प्रदान गर्नेछ ।

निर्णायकको निर्णयले एक भन्दा बढी प्रतिभाशाली गायकहरु रहेको औल्याए एउटा कलेक्सन एल्बम नै बनाउने पनि आर्टोम्यूजले बताए ।सबैभन्दा बढी हेरिएको भिडियोलाई पब्लिक च्वइगु अवार्ड प्रदान सोच रहेको पनि आयोजकले जनाएको छ ।

नेपालभाषाको जन्मदिनको शुभकामना गीत ‘बूदिंया भिंतुना’ गायक तथा रचनाकार बज्राचार्यले आफ्नी श्रीमती रमा बज्राचार्यको जन्मदिनको अवसरमा सार्वजनिक गरेका हुन् ।

Ad
loading...

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]