Dabali News

Ad

केटी केटा बनेकाे कुरा विवाहअघि मात्र थाहा भयाे, बलात्कारकाे अाराेपमा सात वर्ष कैद

२८ पुस

काठमाडाैँ ।

एउटा महिलाले अर्की महिलालाई बलात्कार गरेकाे सुन्दा विश्वास नलागेपनि घटना सत्य भएपछि विश्वास नमानी सुखै छैन । याे नेपालकाे अदालतले कानुनी इतिहासमा पहिलो घटना हाे । याे घटनाले महिलाबाट महिला बलात्कार हुनसक्ने नजिर प्रतिपादन गरेको छ ।

जबर्जस्ती करणीसम्बन्धी मुद्दा जिल्ला अदालत सङ्खुवासभाकाे हाे । याे पुनरावेदन हुँदै सर्वोच्च पुगेकाे मुद्दाका अाराेपीलाई बलात्कारी ठहर गर्दै लाक्पा शेर्पालाई सात वर्षकाे कैद सजाय सुनाएकाे छ ।

गाेरखापत्र दैनिकका अनुसार नेपाल सरकार वादी भई लाक्पा शेर्पाविरुद्ध दायर उक्त मुद्दामा प्रतिवादीले परिचय लुकाई कृत्रिम लिङ्ग प्रयोग गरी प्रेमिका बनाएकी बालिकालाई बलात्कार गरेको ठहर सर्वोच्चले गरेको छ। अदालतको ठहर अनुसार प्रतिवादी लाक्पा शेर्पालाई सात वर्ष कैद सजाय पनि सर्वोच्चले सुनाएको हाे ।

संयुक्त इजलासले मुलुकी ऐनसँगै लैङ्गिक हिंसा अन्त्य गर्न केही नेपाल ऐनलाई संशोधन गर्ने ऐन २०७२ ले महिलाबाट महिला बलात्कार हुनसक्ने अवस्था रहेको व्याख्या गरेको हो । फोनबाटै चिनजान भएका लाक्पा (अजय) र यमुना (नाम परिर्वतन) प्रेममा थिए ।

प्रेम सम्बन्ध अगाडि बढ्दै गएपछि दुवै जना विवाहको तयारीमा थिए । दुवैको सल्लाह अनुसार २०६७ फागुन २२ गते लाक्पा प्रेमिका भेट्न मोरङबाट सङ्खुवासभा पुगेका थिए । लाक्पा र यमुनाको योजनाअनुसार नै विवाहको योजना अगाडि बढेको थियो ।

समाजमा कुरा चल्यो यमुनाको प्रेमी केटा हैन केटी हो । सुरुमा पत्यार नभए पनि लाक्पाको शरीर परीक्षण भयो । शरीर परीक्षणमा लाक्पा केटी भएको प्रमाणित भएपछि उनीविरुद्ध जबर्जस्ती करणी र मानव बेचबिखनमा मुद्दा चल्यो ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]