Dabali News

Ad

रुँदै बिदाई भए ओबामा

काठमाडौँ ।

अमेरिकी राष्ट्रपति बाराक ओबामाको कार्यकाल सकिएको छ । दुई वर्षीय कार्यकाल पूरा गर्दै रुँदै विदाई भएका छन् ।

बिदाई कार्यक्रममा बोल्दै आफूले सत्ता समालेपछि अमेरिका हरेक हिसाबले राम्रो र सुरक्षित भएको जिकीर गरे । उनले अमेरिकी मुस्लिमविरुद्धको भेदभाद अन्त्य गरिएको दावी पनि गरे ।

राष्ट्रपतिका रुपमा शिकागोमा बिदाई भाषण दिँदै ओबामाले जातीय भेदभाव अन्त्यका लागि अझै धेरै काम गर्न जरुरी रहेको पनि बताए । आफ्नो कार्यकालमा ओसामा बिन लादेनलगायतका सयौं आतंककारीलाई समाप्त गरेको उल्लेख गर्दै उनले इराकबाट अमेरिकी सेनालाई फिर्ता गर्दै आर्थिक अवस्था राम्रो बनाउन सफल भएको बताए ।

ओबामाले बाहिरी आक्रमणप्रति अमेरिका सजग रहेको भन्दै रुस र चीनले अमेरिकासँग बराबरी गर्न नसक्ने स्पष्ट पारे ।
कार्यकालमा इरान र क्यूवासँगको सम्बन्धमा निकै सुधार आएको चर्चासमेत गरे ।

अमेरिकाको पहिलो अश्वेत राष्ट्रपति ५५ वर्षीय ओबामा पहिलो कार्यकालका लागि सन् २००८ मा निर्वाचित भएका थिए । सन् २०१२ मा उनले दोस्रो कार्यकालका लागि जनादेश पाए ।

ओबामाको स्थानमा आउन लागेका नवनिर्वाचित राष्ट्रपति डोनाल्ड ट्रम्पले ओबामा प्रशासनका धेरै नीति परिवर्तन गर्ने घोषणा गरिसकेका छन् । ट्रम्पले जनवरी २० मा पदभार ग्रहण गर्दैछन् ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

समाचार सम्पादकः सागर लामा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]