Dabali News

Ad

३३ किलाे सुन बाेक्ने शाहीकाे सनसनी खुलासाः पूर्वगृहमन्त्री गाैतमदेखि अर्थमन्त्री महरासम्मकाे पाेल खाेलिन सक्ने !

२३ पुस

काठमाडाैँ ।

केही दिनअघि त्रिभुवन विमानस्थलबाट ३३ किलाे सुन ल्याउदै गरेकाे अवस्थामा पक्राउ परेका गाेपालबहादुर शाहीले अाफूले एक वर्षमा तीन यस किलाे सुन ल्याएकाे बताएका छन् ।

प्रहरी हिरासतमा रहेका शाहीले त्रिभुवन अन्तर्राष्ट्रिय विमानस्थलमा खटिएका प्रहरी र भन्सारका कर्मचारीको मिलोमतोमा गत एक वर्षमा तीन सय किलोभन्दा बढी सुन बाहिर ल्याउन आफू सफल भएका हुन् ।

आजको अन्नपूर्ण पोष्ट दैनिकका अनुसार शाहीले केन्द्रीय अनुसन्धान ब्युरो (सीआईबी) सँग यस्तो बयान दिएका हुन् । शाहीले सुन तस्करीमा संलग्न केही नेपाली तथा भारतीय व्यापारीको नामसमेत खोलेको सीआईबी स्रोतले उल्लेख गरेको छ । दुबईका कारोबारीसँगको साँठगाँठमा नेपालमा सुन तस्करी गर्दै आएका नेपालगन्जका शाहीबारे सीआईबीले दुई महिनादेखि सूचना संकलन गर्दै आएको थियो । ‘तपाईंहरू सुन तस्करीको शृंखलामा ११ औं पटकमा मलाई समात्न सफल हुनुभयो । यसअघि पटकपटक गरेर तीन सय किलो सुन विमानस्थलको घेराबाट बाहिर पठाइसकेको थिएँ’, शाहीको बयान उद्धृत गर्दै सीआईबीका एक उच्च अधिकृतले भने ।

स्राेतका अनुसार प्रहरीले झार टार्ने अनुसन्धान नगरे वा राजनीतिक हस्तक्षेप नभएर लामाे समयदेखि हुँदै अाएकाे सुन काराेबारकाे झालाे पत्ता लाग्ने त्यसमा पूर्वगृहमन्त्री बामदेव गाैतमदेखि वर्तमान अर्थमन्त्री कृष्णबहादुर महरासम्म मुछिन सक्ने स्राेतकाे दाबी छ । प्रहरीले पनि विस्तृत छानविन नगरी सुन भन्सार कार्यालयकाे जिम्मा नदिने बताएकाे छ ।

यसअघि झैं ३३ किलाे सुन पनि गृहमन्त्रालय,प्रहरीकाे उच्च नेतृत्व,भन्सार र अर्थमन्त्रालयकाे सेटिङमा भन्सार छलेर बाहिर अाएकाे शंका गरिएकाे छ ।

Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम बिगत ३ बर्षदेखि निरन्तर चलिरहेको छ ।
हमैले खासगरी खोजमुलक समाचारलाइ स्थान दिने गरेका छौ । सबैका सन्तुलित बिचार हाम्रो अनलाइनको प्रकाशन प्राथमिकतामा पर्छ ।

Dabali Media Pvt. Ltd.
Nanamnagar Kathmandu
Phone
01-460....
Email
onlinedabalis@gmail.com
newsdabali@gmail.com