Dabali News

Ad

अकोराबमा एमाले-काँग्रेसकाे वर्चस्व 

२३ पुस 

काठमाडाैँ ।

सामुदायिक रेडियो प्रसारक संघ नेपाल (अकोराब)को छैटाैँ अधिवेशनले नयाँ नेतृत्व निर्वाचित गरेकाे छ । नयाँ कार्यसमितिमा नेकपा एमाले र नेपाली काँग्रेसकाे वर्चस्व कायम भएकाे छ ।

अध्यक्षमा एमाले निकट सुवास खतिवडा निर्वाचित भएका छन् । खतिवडाले एक सय ४२ मत ल्याएका छन् । उनका प्रतिद्वन्द्वी कांग्रेस निकट किशोरजङ्ग थापाले एक सय ३२ मत ल्याए ।

वरिष्ठ उपाध्यक्षमा कांग्रेस निकट अर्जुन गिरी, महिला उपाध्यक्षमा कांग्रेस निकट शशिकला दाहाल, मधेसी उपाध्यक्षमा निमेष कर्ण र जनजाति उपाध्यक्षमा एमाले निकट अर्जुनकुमार राई विजय भएका छन् ।

महासचिवमा माओवादी केन्द्र निकट गोविन्द देवकोटा, सचिवमा एमाले निकट वन्दना दनुवार र कोषाध्यक्षमा माओवादी केन्द्र निकट लक्ष्मण खड्का निर्वाचित भएका छन् ।

यसैगरी सदस्यमा खुलातर्फ कपिलदेव खनाल, विष्णु अवस्थी, टीकाजङ्ग थापा, धुव्रराज ढकाल, शुक्रराज भण्डारी, महिलामा धनलक्ष्मी शाही र ललिता कुश्मी, मधेसीमा अजयकुमार यादव र रामभरोसी महतो, जनजातिमा मिलन गाहा र गणेशकुमार श्रेष्ठ तथा दलितमा पूर्णवहादुर विक विजयी भएका छन् ।

सात प्रदेश समितिका अध्यक्षका कांग्रेसका पाँच र एमालेका दुई जना निर्वाचित भएका छन् । एक नम्बर प्रदेशमा कांग्रेसका बच्चुनारायण विक, दुईमा कांग्रेसकै अशोक दत्त, तीनमा कांग्रेसकै कृष्णहरि घिमिरे, चारमा कांग्रेसकै शान्ति गुरुङ, पाँचमा कांग्रेसका केपी घिमिरे, ६ मा एमालेका रमेशकुमार गौतम र सातमा एमाले निकट नरेन्द्रप्रसाद भट्ट निर्वाचित भएका छन् । प्रदेश अध्यक्ष संघको कार्यसमितिको पदेन सदस्य रहने व्यवस्था छ ।

शुक्रबार सुरु भएकाे अधिवेशन शनिबार विहान नयाँ कार्यसमितिकाे नतिजा सार्वजनिक भएकाे हाे ।

कुल दुई सय ८७ मतदातामध्ये दुई सय ७६ जनाले मतदान गरेका थिए । २१ सदस्यीय कार्यसमितिको कार्यकाल तीन वर्षको हुनेछ ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]