Dabali News

Ad

मेरो कामले मेरै पार्टीका नेता आतंकितः ऊर्जामन्त्री प्रभाकर

१६ पुस

पोखरा ।

ऊर्जामन्त्री एवं माओवादी नेता जनार्दन शर्मा ‘प्रभाकर’ले आफ्नो मन्त्रालयमार्फत गरेको जनमुखी कामको पार्टीले स्वामित्व लिन नसकेको गुनासो गरेका छन् ।

माओवादी केन्द्र कास्कीले आयोजना गरेको सम्मान कार्यक्रमलाई सम्बोधन गर्दै मन्त्री प्रभाकरले लोडसेडिङमुक्त नेपाल बनाएर कमाएको जनमतको स्वामित्व पार्टी पंक्तिले नसकेको बताएका हुन् ।

“लोडसेडिङमुक्त नेपाल बनाएपछि बिजुलीको मुखै नदेखेका दुरदराजका जनता समेत खुशी भएका छन् तर जनार्दनले ‘क्रेडिट’ पाउँछ भन्ने आतंकले पार्टीकै कतिपय नेतालाई सताएको छ, अनि कसरी बन्छ पार्टी ?” उनले थपे, “यो सवै काम मैले प्रधानमन्त्री प्रचण्डको निर्देशनमा गरेको हुँ, यो काम सरकारले गरेको हो, मलाई क्रेडिट चाहिँदैन तर ऊर्जा मन्त्रालयले गरेको उपलब्धिलाई पार्टी निर्माणमा प्रयोग गर्नुस् , मलाई यत्ति भए पुग्छ ।”

ऊर्जा मन्त्रालयको कामले देशव्यापी रुपमा पाएको वाहवाहीलाई पार्टीका नेताहरुले समेत कतै उच्चारण नगरेको गुनासो गर्दै मन्त्री प्रभाकरले सरकारले गरेका राम्रा कामको स्वामित्व लिन नसके पार्टी बन्न नसक्ने ठोकुवा गरे ।

माओवादी केन्द्रका स्थायी समिति सदस्य समेत रहेका मन्त्री प्रभाकरले चार हजार केन्द्रीय सदस्य बनाएर पार्टी बन्न नसक्ने धारणा व्यक्त गरे । पार्टी एकीकरण हुँदा बैचारिक कार्यदिशा ठोस गरिएपनि संगठनात्मक अन्यौल हटाउन नसकेको कारण संगठन भद्रगोल भएको टिप्पणी उनले गरे । स्वच्छ प्रतिष्पर्धाद्धारा नेता चुन्ने परिपाटीको विकास नगरेसम्म पार्टी बन्न नसक्ने ठोकुवा गरे ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

समाचार सम्पादकः सागर लामा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]