Dabali News

Ad

भुजुङ गाउँको ‘घाँटु सिडी’ विमोचन

१० पुस

लमजुङ ।

जिल्लाकाे भुजुङ गाउँमा रहेको लाली गुराँस युवा क्लवको आयोजनामा निर्माण गरिएको ‘घाँटु सिडी’ विमोचन गरिएकाे छ ।

शनिबार पोखरा १३ भद्रकालीमा रहेको भुजुङ युम्पो तमु समाजको हलमा गुरुङ फिल्म एशोसियशन नेपालका अध्यक्ष वेदबहादुर गुरुङ (श्याम)ले सिडी र १२ औं लाली गुराँस खुल्ला गोल्डकपको सिडी विमोचन गरेका हुन् ।

कार्यक्रमका प्रमुख अतिथि वेदबहादुर गुरुङ (श्याम)ले गुरुङ बस्तीबाट पूर्णरुपमा लोप भईसकेको घाँटु नाँचलाई भुजुङबासीले संरक्षण गरेको भन्दै यसको उचित संरक्षणमा लाग्नुपर्ने बताए । उनले भुजुङ गाउँमा धेरै विशेषतामध्ये घाँटु पनि एक भएकाे बताउँदै भुजुङ गाउँको घाँटु गुरुङ संस्कृति र घाँटुको बारेमा अध्ययन, अनुसन्धान तथा शोधपत्र तयार गर्ने विद्यार्थीहरुका लागि अध्ययन गर्ने प्राकृतिक पाठशाला जानकारी समेत दिए ।

भुजुङ युम्पो तमु समाज पोखराका अध्यक्ष रामचन्द्र गुरुङले गाउँको संस्कृति जर्गेण गर्नका लागि युवाहरुले गरेको प्रयासको प्रसंशा गरे । त्यस्तै भुजुङ गाविसका सचिव हरिकृष्ण आचार्य, अन्नपूर्ण संरक्षण क्षेत्रय आयोजना भुजुङका कार्यालय प्रमुख राजेशप्रसाद गुप्ता, जिफानका प्रथम उपाध्यक्ष राजेश गुरुङ, ह्वाईट लोटस स्टुडियोका प्रबन्धक युगबहादुर गुरुङ, भुजुङ युम्पो तमु समाज पोखराका पुर्व अध्यक्ष सु.आसवीर गुरुङ, लाली गुराँस युवा क्लवबका संस्थापक अध्यक्ष खिमबहादुर गुरुङ, तमु संसार त्रैमासिकका सम्पादक रोशनी गुरुङलगायतले शुभकामना मन्तव्य राखेका थिए ।

कार्यक्रममा सिडी निर्माणमा विभिन्न पक्षबाट सहयोग गर्ने कलाकार प्राविधिकलाई सम्मान गरिएको थियो । लाली गुराँस युवा क्लबका अध्यक्ष तुलबहादुर गुरुङको अध्यक्षतामा भएको कार्यक्रमको सञ्चालन सचिव यमबहादुर गुरुङले गर्नुभएको थियो भने कोषाध्यक्ष जमुना गुरुङले स्वागत गरेकी थिइन ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

समाचार सम्पादकः सागर लामा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]