Dabali News

Ad

सातौं राष्ट्रिय खेलकुद प्रतियोगिताको तयारी पूरा

६ पुस

काठमाडौं ।

पूर्वाञ्चलमा सुरु हुन लागेको सातौं राष्ट्रिय खेलकुद प्रतियोगिता सम्पूर्ण तयारी अन्तिम पूरा भएको छ ।

शुक्रबारदेखि सुरु हुने प्रतियोगिताका लागि खेलाडी, खेल पदाधिकारी, प्रशिक्षक तथा दर्शक पूर्वी नेपालतिर लागेका छन् ।

प्रतियोगिता विराटनगर उद्घाटनस्थल भएर धरानमा समापन गरिने राखेपले जनाएको छ । ईटहरी, ईनरुवा, दमकलगायतका ठाउँमा प्रतियोगिताको तयारी सम्पन्न भएको छ ।

विराटनगरको शहिद रंगशालामा भव्य उद्घाटनको तयारी गरिएको छ । सातौँ राष्ट्रिय खेलकुदमा प्रदर्शनी खेलसहित कुल ३५ खेल समावेश छ । रग्वी, डान्स स्पोर्ट्स, साम्वो, रक क्लाइम्विङ र दोहोरीलाई प्रदर्शनी खेलको रुपमा समावेश गरिएको छ ।

यस्तै गल्फ, आर्चरी, फेन्सिङ र स्नुकरका विजेताले पदक प्राप्त गर्ने छैनन् । सातौंमा २९ सय ७१ खेलाडीले एक हजार ३५ पदकका लागि प्रतिस्पर्धा गर्नेछन् ।

खेलाडीहरुले २ सय ९४ स्वर्ण र समान २ सय ९४ रजत तथा ४ सय ४७ कास्य पदकको लागि एक आपसमा प्रतिस्पर्धा गर्नेछन् ।

प्रतियोगितामा आर्मी, पुलिस र सशस्त्रका तीन विभागीय टोली र पाँच विकास क्षेत्रले सहभागिता जनाउने छन् ।

सातौ राष्ट्रिय खेलकुदका सबैभन्दा बढी खेल सुनसरीमा हुनेछन् । सुनसरीमा ११ खेल हुनेछन् भने मोरङमा १०, झापामा पाँच, सिरहा, धनकुटा, ललितपुर र कास्कीमा एक–एक खेल हुनेछ ।

प्रतियोगिताको लागि राष्ट्रिय खेलकुद परिषदले ११ करोडको बजेट माग गरे पनि अर्थ मन्त्रालयले भने ८ करोड मात्रै निकासा दिएको छ ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]