Dabali News

  • Ad

थवाङलाई मलेसियाबाट पूर्व जनमुक्ति सेनाकाे चिठी

tikaram-oli

प्रिय थवाङ अभिवादन,

तिमीसँग विछाेड भएकाे लामाे समयपछि तिम्राे नाममा एउटा पत्र लेख्दैछु । मनमा पैदा भएका दुःख र हर्षका तरंग पाेख्न मन लाग्याे । अनि तिमीलाई सम्झिए । मलेसियामा चाैकीदारी गर्दैगर्दा तिमीले दिएकाे न्यानाे मायालाई सम्झिरेकाे हुन्छु । यतिबेला सम्म तिमी र गुमनाम थियाैँ । तिम्रो चर्चा फेरि हुन सुरुसँगै हाम्राे भूमिका पनि बढेकाे छ । जब नेपालमा परिवर्तनको कुरा उठ्छ त्योसँगै तिम्रो चर्चा पनि हुने गर्दछ । जनयुद्धको गर्भबाट जन्मेको जनवादी सत्ताको केन्द्र थियौँ तिमी । तिम्रो र हाम्रो बलिदानबाट जन्मेको जनसत्तालाई बालुवाटार लगेर गाडिएसँगै हाम्रा हातका हतियार र बर्दी खाेसिए र तिम्रो चर्चा हुन छोड्याे । जनयुद्धको समापनसँगै तिमी गुमनाम भयौँ र हामी शरीरमा बम र गाेली बाेकेर विदेश पलायन भयौँ । एउटा पुस्ताले स्थापना गरेको जनसत्ता सपनाजस्तै भयाे भने सपना चकनाचुर बनाइए ।

प्रिय थवाङ,

आमूल परिवर्तनको लागि भन्दै बन्दुक बोकेको कमाण्डरले खेलाईखेलाई तिमी र हामीलाई मानघाट पुर्यायो । तिम्रो र हाम्रो रगत र पसिनाबाट मसानघाटमा पुगेको संसदीय व्यवस्थालाई पुनः सिंहदरबारमा ल्याइयो । परिवर्तनको अवाजलाई जलाउँनै लाग्दा अभियान्ताहरु फेरि उठेका छन् । उनीहरु विप्लवको नेतृत्वमा फेरि मैदानमा आएपछि तिम्रो चर्चा सुरु भएको छ । पुर्नवहाली भएको संसदीय व्यवस्था ध्वास्त गर्ने एकीकृत जनक्रान्तिको खाका कोर्न क्रान्तिकारीहरु तिम्रै आगनीमा आउने खबरले तिमीलाई पनि खुशी लागेको नै होला ।

काठमाडौँका खुला मंचमा बालेको मशाल बोकेर क्रान्तिकारीहरु थवाङ पुग्ने खबरले हामी जस्तै विदेशमा स्वभिमान गुमाएर बस्न बाध्य भएकाहरु खुशी भएका छौँ । गाउँमा फेरि महिला दिदीबहिनीमाथि बलात्कार, दलितमाथि छुवाछुत, बोक्सीको आरोम गरिएको हत्या, देश र जनताको पक्षमा बोल्नेहरुलाई पक्राउ, चारडाँडा कटाएकाहरुले राज गरिरहेको सुन्दा निकै आक्रोसित बनाउँछ । यो सब के कारण भयो तिमीलाई जानकारी नै छ, जनयुद्धका कमाण्डर धराने बंकुर भएका छन् । बोसोका पारखीहरुले नै उनीलाई खोज्दै जान्छन् । बंगुर पनि सिनो खोज्दै दौडिरहेको छ । अहिले त बंगुरले बच्चा पनि पाएको छ भन्ने पनि सुनेको छु । उ अाफू र अाफ्ना बच्चाकाे सिनाे खाेजिरहेकाे हाेला नै । तिमी-हाम्रै अगाडि गरेको बाचा पनि भुलिसकेको छ र तिमी हामीलाई चिन्दैन हाेला ।

तिम्रो र हाम्रो विछोड गराइएपछि हामी कति दिन भाेकै रुँदै बस्याैँ, तिमीलाई सुनाउन बाँकी नै छ । क्रान्तिकारीका आँखाबाट धेरै आँसु बगिसकेका छन् । यी सबै कुरा भेटमा गराैँला ।

प्रिय थवाङ,

नयाँ अभियानको कमाण्डर नयाँ छ । नेपालको राजनीतिक यात्रा एक चक्कर लगाउँदै २०५२ भन्दा अगाडिको अवस्थामा पुगेको छ । प्रतिक्रियावादीहरुले जनतामाथि जबरजस्त आफ्नो लुटको शासन थोर्पाने प्रयास गर्दैछन् । परिवर्तनका भोका जनताले तिमीलाई फेरि सम्झिरहेका छन् । त्यसैले तिम्रो आगनीको याद आउछ । चर्चा प्रतिक्रियावादीहरुले पनि गर्ने गर्छन् । उनीहरुले तिम्रो कसरी बलात्कार गर्ने भन्ने योजना बनाउँदै हाेलान् । तर,चिन्ता नगर तिम्राे रक्षाकाे लागि हामी फर्किदैछाैँ । एकीकृत जनक्रान्तिले तिम्रो हाम्रो भेट गराउने भएको छ । तिम्रो-हाम्राे फेरि भेट हुने भएपछि मेरो छाती पनि ठूलो भएको छ । म जस्ता बिदेशमा कुल्ली गर्नेहरुले तिम्रो न्यानो मायालाई सम्झिरहेका छन्

thawang

थवाङ,

पत्रको अन्त्यमा छु । नेपालको अर्को क्रान्तिको अनिवार्य भएको छ । त्यो हो एकीकृत जनक्रान्ति । विदेशीका दलालहरुलाई लखेट्न काठमाडौँका मजदूरसँग हातेमालो गर्दै लड्ने हो । हिमालका भोटे, मधेसका मधेसी, पहाडका पहाडी सबैले एकीकृत भएर लड्ने हो अब । तिमी एक्लैले मात्र बलिदान गर्नुपर्ने हुँदैन । सबैले एकसाथ र एक पटक बलिदानको लागि तयार हुनु पर्ने बेला अाएकाे छ । हामी पनि विदेशबाट चाँडै फर्किदैछौँ । तिम्रै आगनमा हुन लागेको आठौं महाधिवेशनबाट नयाँ र पुराना प्रतिक्रियावादीहरुलाई एकैसाथ आर्यघाटमा पुर्याउने क्रान्तिको खाका स्पष्टसँग कोर्नु ।

तिम्रो र हाम्रो विछोड गराइएपछि हामी कति दिन भाेकै रुँदै बस्याैँ, तिमीलाई सुनाउन बाँकी नै छ । क्रान्तिकारीका आँखाबाट धेरै आँसु बगिसकेका छन् । यी सबै कुरा भेटमा गराैँला ।

  • हस्त अहिलेलाई विदा उही टिकाराम ओली, मलेसिया ।

मलाई मेरै माटोको रङ्ग मन पर्छ 

rishi-raj-baral

मलाई मेरै माटोको रङ्ग मन पर्छ । म यसैको गन्धमा रमाउँछु । म यसैको गन्धमा रमाउँछु । अरूलाई कस्तो हुन्छ थाहा छैन, सबै लेखन्तेहरूको एउटै स्वभाव, शैली, बानी र उत्प्रेरणाका आधारहरू समान हुन्छन् भन्न सकिँदैन र भन्न मिल्दैन पनि । आफू वरिपरको परिवेश, व्यक्तिको...

हुम्लाको उत्पादन र जनजीवन

dipendra

नल्लाको झोलुङ्गे पुल तरेर त्यहाँको सुधारिएको सात घट्ट हेर्न जाँदा ल्वासुरका तन्नेरी धामी गोरखबहादुर शाहीसँग भेट भयो । उनले नल्लालहरुको जग्गा कम भएको र जिजुबाजेको दिनदेखि घट्ट कुरेर गुजारा टार्दै आएको जानकारी दिए । त्यहाँ लेख, माझा, छिप्रा, खर्पेलगाउँ र स्याप्नेबाट घट्ट...

थारु सम्बत् र नयाँ नेतृत्व चयन

unnati

“गंगा लहाए सब कुछ पाए, कुँवा लहाए थोर थार पाए, नल्का लहाए कुछ ना पाए” (नदिमा नुहाए सोँचेको सबै प्राप्त हुने, ईनारमा नुहाए केही मात्रमा प्राप्त हुने र धारामा नुहाए केही पनि नपाउने) भन्ने उखानले माघी र थारुहरूको ईतिहासलाई जाेडेकाे छ ।...

पशुपतिनाथकाे अाँगनमा यस्ताे भाेगियाे

mina

मन्दिर जाँदै हुनुहुन्छ हो ?  एउटा अपरिचित आवाज हावाले बेस्कन कानमा ठोकायो । मैले उत्तर दिए, हजुर दर्शन गरौँकी सोचेर आको ! समयले कहिले आस्तिक र कहिले नास्तिक बनाइ दिन्छ । आज म पनि दिल खोलेरै आस्तिक भैदिएकी छु, मानौँ मन्दिरको पुजाले...