Dabali News

Ad

करोडौंका उपकरण जलाउने ठगी धन्दाको एक वर्ष

कर्णालीको स्वास्थ्यमा कालो दिन

३ पुस

जुम्ला ।

कर्णाली र पिछडिएको क्षेत्रको स्वास्थ्यमा क्रान्ति ल्याउने विश्वास गरिएको कर्णाली स्वास्थ्य विज्ञान प्रतिष्ठानमा करोडौं मूल्यका उपकरणहरु जलाइएको आज ठीक १ वर्ष पुगेको छ ।

ल्याव कक्षसहितको उपकरण जलेपछि प्रहरीले अनुसन्धान गरिरहेको भनिए पनि अहिलेसम्म कुनै आधिकारिक धारणा सार्वजनिक भएको छैन । अर्कोतिर कर्णाली स्वास्थ्य विज्ञान प्रतिष्ठानमा भएको भ्रष्ट्राचार सम्बन्धी मुद्दा अख्तियारको बाटोमा नै गायव पारिएको छ ।

प्रतिष्ठानद्वारा संचालित शिक्षण अस्पताल जुम्लामा ल्याव र उपकरणहरु जलाइए पछि विरामीहरु रगत, खकार जाँच जस्ता आधारभूत सुविधाबाट पनि भएका थिए । भ्रष्ट्राचारबाट जोगिन राज्यको लाखौंको सम्पत्ति जलाइकोे भनी सर्वत्र आलोचना गरिएको थियो ।

karanali-helth-2

तत्कालीन उपकुलपति पारस आचार्य, रजिष्ट्रार श्याम लम्साललगायतका पदाधिकारी, कर्मचारी र उपकरण सप्लायर्स कम्पनीको मिलोमतोमा आगो लगाइएको जुम्लावासीले आरोप लगाइ रहेका छन् ।

आगलागीको सत्यतथ्य सार्वजनिक हुन नसक्दा उपकरणहरु जुम्लामा नै नपुर्याइ करोडौं बजेट ठगीको धन्दा लुकाउन आगो लगाइएको हुन सक्ने नेकपा(क्रान्तिकारी माओवादी) जुम्ला जिल्ला सेक्रेटरी जीवन शाहीले बताए । आगलागि छानविनसम्बन्धी प्रतिष्ठानको सिनेटले पनि ठोस निर्णय लिन सकेको छैन ।

karanali-helth-3

नक्कली परीक्षार्थीदेखि प्रश्नपत्र आउटजस्ता विवादहरुमा मुछिएको प्रतिष्ठानका लागि आगलागिको घटनाबारे सत्यतथ्य सार्वजनिक नहोउन्जेल पुस ३ कालो दिनका रुपमा रहिरहनेछ ।

Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]