Dabali News

Ad

महिला बन्दीकाे खान पकाउने ठाउँमा फाेहाेरः अायाेग 

१६ साउन

नेपालगन्ज ।

विभिन्न आरोपमा कारागारमा बन्दी जीवन बितराइरहेकाहरुले आफूहरुमाथि मानविय व्यवहार नभएको गुनासो गरेका छन् । राष्ट्रिय मानव अधिकार आयोगको टोलीसँगको भेटमा उनीहरुले अत्यवश्यकीय मानवीय सेवा–सुविधाबाट समेत आफूहरु बञ्चित भएको बताए ।

नेपालगन्जस्थित कारागारमा रहेका कैदीबन्दीको अवसथाबारे जानकारी लिन आयोगका अध्यक्ष अनुपराज शर्मा नेतृत्वको टोलीसँग कैदीले गुनासो राखेका हुन् ।

एउटै ठाउँमा क्षमता भन्दा धेरै कैदी राखिएको जसका कारण मानविय सेवा सुविधाबाट बञ्चित गरेर रकारले अमाविय व्यवहार गरेको शर्मा टोलीसँग बताए ।

कारागारमा रहेका कैदीबन्दीको अवस्थाबारेमा जानकारी लिएपछि राष्ट्रिय मानव अधिकार आयोगका अध्यक्ष शर्माले क्षमताभन्दा बढी कैदी राखिएका कारण मानव अधिकारको हनन भएको बताए ।

आयोगको टोलीले कैदीहरुको सुत्ने कोठा, खाना खाने ठाउँ, खेल्ने, नुहाउँने, पुजापाठ गर्ने लगायतका ठाउँमा अनुगमन गरेको थियो ।

आयोगको टोलीले पुरुष बन्दीगृह तथा महिला बन्दीगृहको छुट्टाछुटटै अनुगमन गरेको थियो । अनुगमनको क्रममा आयोगको टोलीले महिला कैदी बन्दीको खाना पकाउने ठाउँमा फोहर पानीको निकास नभएका कारण फाेहर जमेकाे बताएको छ ।

आयोगले कारागारको सुरक्षामा खटिएका सुरक्षाकर्मीको अवस्था र उनिहरुको बस्ने कोठाको समेत अनुगमन गरेको छे ।

नेपालगन्ज कारागारमा हाल १४ जना नेपाल प्रहरी र २१ जना नेपाली सेना कार्यरत छन् । नेपालगन्ज कारागारमा एक नाबालक र ६२ महिलासहित ६ सय १६ कैदीबन्दि रहेका छन् ।

Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम बिगत ३ बर्षदेखि निरन्तर चलिरहेको छ ।
हमैले खासगरी खोजमुलक समाचारलाइ स्थान दिने गरेका छौ । सबैका सन्तुलित बिचार हाम्रो अनलाइनको प्रकाशन प्राथमिकतामा पर्छ ।

Dabali Media Pvt. Ltd.
Nanamnagar Kathmandu
Phone
01-4771244
Email
onlinedabali@gmail.com
dabalinews@gmail.com

Ad